Publicado por: MontePituco | 01/10/2010

XORNADAS SOBRE PATRIMONIO

 O Patrimonio arqueolóxico, etnográfico e natural é o eixe central das xornadas audiovisuais que organiza ao longo deste mes de outubro a Asociación Cultural Almuinha. Cada venres a partir das 20:30 horas, e dende hoxe mesmo, proxectarase un documental seguido dunha charla, para ir afondando nos diversos aspectos do noso variado e valioso patrimonio cultural, para alertar sobre as ameazas que poñen en perigo a súa conservación: o descoñecemento, a deixadez, a falta dunha acertada política de xestión, o urbanismo salvaxe, os intereses privados… “Así durante anos fomos testemuñas da destrución de numeroso patrimonio arqueolóxico e natural por culpa de polígonos industriais, autovías, parques eólicos, encoros…”, lamenta Almuinha. E máis que se destruirá -engadimos nós- á vista dos perxudiciais plans de dotación de chan industrial por parte do Concello de Marín.

O documental co que arrincan estas xornadas titúlase Galeg@s universais. Historias do mar”, do arqueólogo e realizador Lukas Santiago quen, neste traballo, homenaxea os homes e mulleres que rebordan sabedoría popular, como portadores dunha cultura tradicional, rural e mariñeira, que está en vías de extinción. O programa continuará en semanas vindeiras cos seguintes títulos:

Venres 8: O Patrimonio arqueolóxico: “O´Neixón, historia viva dun castro”

Venres 15: O Patrimonio natural: “A loita pola luz no Río dos Gafos”

Venres 22: O Patrimonio etnográfico: “O Monte do Seixo, a montaña máxica”

Venres 29: O Patrimonio marinense: O Espazo Natural e Arqueolóxico dos Sete Camiños


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: