Publicado por: MontePituco | 30/09/2010

…UNHA DE ‘LITORAL’

…Pois aí está a “marabillosa” mancha de azul desteñido que representa o espazo onde o Concello de Marín prevé instalar o polígono industrial. Admiren a súas tupidas curvas de nivel, tomen a pastilla para o mareo se teñen vértigo e agárrense á primeira xesta que atopen na baixada non sexa que esbaren monte abaixo a rebolos…

Hoxe remata o prazo de presentación de alegacións ao Plan de Ordenación do Litoral (POL), ao que o Concello de Marín tamén presentou alegacións. Como tamén as interpuxo a respecto das Directrices de Ordenación do Territorio e, n’ámbolos casos, o “modus operandi” do grupo de Goberno foi cuspidiño: pleno urxente e estraordinario ao canto, catro veciños que pasan por alí nas bancadas para o público, e santas pascuas. Nin afectados dun lado, nin doutro; sen berros, sen protestas, sen reproches veciñais. Así é a política anestesiada e anestesiante: en vea, indolora, incolora, non se ve, non se nota, non traspasa.

E nestas, vén o POL a “morder” un anaco de terreo proxectado para uso industrial. Xusto no Pornedo! Que contrariedade! Que “metomentodo” son estes gobernantes da Xunta! -pensarían Vilaboa (e Veiga?)- que nos veñen mangonear no PXOM! E non é de estrañar que a zona afectada polo POL estea marcada como “espazo de interese”, en plena fachada da ría. Saben o que di o “tocho” do informe oficial da Xunta a respecto de Marín? Ese argumento non estaba no guión de Vilaboa cando ía polas parroquias. Ah, que pola de San Xulián non se deixou caer (que nos conste). Pois di literalmente:

VALORACIÓN DA PAISAXE: A dominante presenza das instalacións portuarias resta atractivo á frente litoral. Non obstante, a estrutura netamente urbana de Marín, su identidade propia e o marco no que se asenta, entre a ría e o pano quebrado de fondo formado polos montes de A Moreira e Pornedo, que permiten a observación do conxunto da área, confírenlle valores paisaxísticos que merecen ser destacados.

Sr. Vilaboa (e Sr. Veiga?), en cantos (moitos) metros cadrados lle reduce o POL a zona de suposto uso industrial? Unha cuarta parte, pode ser? Grazas a vostede, e coa axuda da Xunta, xa temos “master do Universo en urbanismo”. Xa sabemos case tanto coma o técnico de Consultora Galega que resignadamente se pasou estás últimas semanas vendo revoar as moscas no primeiro andar da biblioteca, atendendo os veciños e veciñas que se foron informar da incidencia do POL nas súas propiedades. E dicía o técnico, moi amable por certo (pero algo desconfiado): “…E levo eu ‘nonseicantos’ anos, e aínda non me entero…”


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: