Publicado por: MontePituco | 07/07/2010

MÁIS TRAPALLADA

Falando de escombreiras, reproducimos unha nota da Asociación de Veciños de San Xulián, redundando na proliferación destes verquidos incontrolados. Concretamente, nos lugares da Presa e do Pelagarto.

A AA.VV. San Xulián vén denunciando a proliferación de vertedeiros e escombreiras nos montes da parroquia, co obxectivo de que sexa visible publicamente unha realidade da cal o Concello, a Xunta de Galicia e a Comunidade de Montes fan deixadez de funcións e permiten o incumprimento das leis medioambientais e de protección do territorio.

O día 17 de xuño rexistramos un novo escrito onde poñiamos en coñecemento do Concello novas aberracións na Presa (Grela) e no Pelagarto. No lugar da Presa, desaprensivos e incívicos veciños deixaron palmeiras, escombros e cañotas aproveitando o lugar da fogueira que os lugareños fan alí no día de San Xoan. Os cales están enfadados porque eles non son responsables das inmensas cañotas e doutros materiais depositados de noite, nalgúns casos. Un veciño identificou e parou a un carrexador de cañotas que non as quere na súa propia veiga.

No lugar do Pelagarto fanse recheos con escombros de todo tipo, que a maleza tapa e a terra encobre, modificando unha vaguada que hai que respectar e protexer. Por tal motivo, demandamos unha urxente actuación no lugar da Presa (Grela), limpando e saneando o contorno do muíño,do lavadero e do regato da Grela. Paralizando XA estas aberracións no Pelagarto, cuxos autores son perfectaente coñecidos polo alcalde, o concelleiro do Rural e a concelleira de Medio Ambiente. Os cales, polo que se ve, danlle patente de corso a algún destes veciños incívicos. Tamen é evidente que se senten protexidos polo concelleiro e “presidente” da Comundidad de Montes, Francisco Casal, e demais cómplices.

A AA .VV. San Xulián considera lamentable que no Concello se despilfarren e mal- usen os cartos do Plan E ou Plan Zapatero en proxectos poucos serios, mentres que vaguadas naturais e e roteiros de senderismo financiados con fondos da Unión Europrea están sendo brutalmente agredidos e abandoados. É moi bonito “falar de parques dos sentidos e multiaventura”, mentres por outro lado permiten e avalan o maltrato ao territorio e ao mediambiente, resultando todo un sen-sentido, cando necesidades prioritarias e urxentes na parroquia están abandoadas ano tras ano.

Pedímoslles que se deixen de tanta propaganda no nome do medioambiente e da sustentabilidade, e que coiden mais dos espazos naturais. Gustaríanos saber onde se botan os escombros das obras municipais, pois non nos estrana que os estean depositando por sitios que ninguén ve, igual que fixeron cos escombros da rúa Calzada, que repousan ás beiras do regato da Grela, a carón da circunvalación; cousa da que a concelleira de Medio Ambiente, Pilar Blanco, aínda non solucionou a día de hoxe, e á cal lle suxerimos que as normativas se cumpren predicando co exemplo.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: