Publicado por: MontePituco | 01/07/2010

VERQUIDOS ILEGAIS: RESPOSTA DO CONCELLO

 O pasado mes de maio publicabamos neste blogue de DEFENDE O MONTE PITUCO un artigo que se titulaba

“No lugar e no momento inoportuno”

Había xa tempo que os veciños nos sentiamos molestos pola presenza de verquidos incontrolados en diversos puntos do monte. Esa foi a gota que colmou o vaso. Probablemente se produzan máis a cotío do que pensamos, pero ser testemuñas dun acto feito con premeditación, alevosía e case nocturnidade, e ter a oportunidade de cazalo in fraganti, sensibilizounos máis aínda contra esta problemática. Queremos un monte limpo de cascallos, de restos de obra, de lixo.

O pasado 30 de maio entregámoslle en persoa ao presidente da Comunidade de Montes de San Xulián, un escrito expresando o noso descontento pola proliferación de residuos ilegais. O responsable da xunta rectora foi receptivo á queixa, pero dende entón non recibimos ningunha outra comunicación pola súa parte informando do procedemento a seguir para proceder á retirada dese material.

O 24 de xuño presentamos un escrito no Concello de Marín, dirixido á Concellería de Medio Ambiente, solicitando información e colaboración para actuar nese sentido. O 26 de xuño entregamos outros escritos co mesmo obxectivo na delegación territorial da Xunta en Pontevedra dirixidos á Dirección Xeral de Patrimonio da Consellería de Cultura e á Axencia de Protección da Legalidade Urbanística da Consellería de Medio Ambiente, Infraestruturas e Territorio. Tamén na Subdelegación do Goberno en Pontevedra, dirixido ao Servizo de Protección da Natureza da Garda Civil.

Esta semana recibimos unha carta da Concellería de Medio Ambiente de Marín ofrecendo a súa colaboración. Grazas. Tomamos a palabra (escrita) e mobilizaremos aos habitantes da zona para traballar co fin de ter un monte limpo.


Responses

  1. […] a Concellería de Medio Ambiente de Marín na retirada dos verquidos (ver o artigo titulado”VERQUIDOS ILEGAIS: A RESPOSTA DO CONCELLO“) está o proxecto de organizar unha xornada de traballo conxunta -que o ano pasado por […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: