Publicado por: MontePituco | 17/06/2010

IMOS AO TEATRO?

Hai varias semanas tivemos a oportunidade de escoitar en Marín a Mabel Rivera na súa faceta reivindicativa a prol da defensa do medio ambiente. Agora temos a ocasión de apreciar a súa faceta interpretativa. A actriz protagoniza a obra de teatro “Master Class” -na que interpreta a cantante de ópera María Callas- que se vai representar o sábado 26 deste mes no Centro Cultural Caixanova de Pontevedra. A continuación, segue a nota informativa do gabinete de comunicación de Caixanova, con datos sobre a función:

O Centro Social Caixanova de Pontevedra acollerá o sábado 26 de xuño, ás 21.00 horas, a representación da obra de teatro ‘Master Class’. A montaxe chega á cidade do Lérez no marco da programación cultural que desenvolven conxuntamente Caixanova e o Plan Xacobeo 2010.

‘Master Class’ ofrece unha oportunidade única para gozar do excelente traballo interpretativo da actriz galega Mabel Rivera, de recoñecido prestixio no panorama nacional, enfrontando un personaxe histórico, María Callas, cheo de matices e rexistros interpretativos, tanto a nivel persoal como artístico. A figura da cantante representa un mito de alcance universal, no só para os amantes da ópera, senón tamén para o público en xeral.

O espectáculo toma como pretexto, desde o punto de vista argumental, as famosas ‘master class’ que María Callas impartiu na afamada academia neoiorquina Juilliard, ao remate da súa vida artística. O autor do texto, Terrence Mc.Nally, transfórmao de maneira maxistral nun ‘tour de force’ entre vida privada e artística, creando un conflito de innumerables matices no que destacan a sabedoría do personaxe e a riqueza das súas vivencias.

Bengala Produccións asume este proxecto como un desafío profesional no que a capacidade de acción vén dada pola utilización de todos os elementos artísticos e técnicos ao seu alcance, tomando como punto de partida máis importante a elección do elenco artístico. Ademais da protagonista, Mabel Rivera, a montaxe conta cun reparto de gran nivel, no que figuran actores da talla de Lino Braxe ou María Torres. Para os papeis líricos acudiron a cantantes de traxectoria contrastada como Julia Cea e Enrique Martínez, cunha carreira internacional recoñecida.

A dirección de escea corre a cargo de Xosé M. Rabón, e o deseño escenográfico é de Xosé Méndez (Escenoset), profesional con recoñecido prestixio en todo o estado. Todo o proceso de produción circunscríbese a Galicia: tanto a construcción da escenografía como a elaboración do vestiario, o atrezzo, o deseño de iluminación e os ensaios, de maneira que todo o proceso pode ser controlado en todo momento pola produción executiva.

‘Master Class’

Elenco: Mabel Rivera (María Callas); Lino Braxe (pianista, Manny); María Torres (primeira soprano, Sophie); Julia Cea (segunda soprano, Sharon); Enrique Martínez (tenor, Tony)

Dirección: Xosé M. Rabón


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A <span>%d</span> blogueros les gusta esto: