Publicado por: MontePituco | 13/05/2018

30 ANOS DA APDR

Dous son os piares nos que se sustenta o traballo desenvolvido pola Asociación Monte Pituco (Pornedo) contra o proxecto de construcción dun polígono industrial neste emplazamento, dende finais de 2009 ata a actualidade, cando dúas sentenzas firmes do TSXG lle deron a razón a este humilde colectivo: un, a oposición da Asociación de Veciños de San Xulián capitaneada con afouteza por Xan Montenegro; outro, a Asociación Pola Defensa da Ría (APDR) de Pontevedra, que xa daquela reivindicaba a riqueza natural, paisaxística e cultural do espazo que Xan bautizou xustamente como o ‘balcón da ría’.

1-faro-18ene09-apdr1

7-voz-12nov09-apdr-e1526334215251.jpg

Sobre estes alicerces cimentáronse nove anos de esforzo, sacrificio e merecida recompensa para a Asociación Monte Pituco, que non pode menos que aplaudir os 30 anos da APDR e acompañar a organización ecoloxista na celebración que tivo lugar no Teatro Principal ante centos de persoas, soci@s e simpatizantes: un acto sinxelo e emotivo no que as persoas que fixeron posible estas tres décadas de traxectoria foron protagonistas e homenaxeadas, a un tempo; houbo lembranzas para quen xa non está entre nós para compartir os festexos; escoitamos o testemuño  directo de quen tivo un papel relevante na organización; participaron colaboradores no eido da cultura -a literatura, a música, a arte-; proxectouse abundante material gráfico das numerosas actividades organizadas neste tempo, ademais de fotografías e vídeos dos feitos máis noticiables: as marchas contra Celulosas e Elnosa, ou o xuízo na Audiencia Provincial no que a dirección da pasteira asumiu unha condena por delicto ecolóxico.

Dúas horas cheas de  historia nas que non faltou o humor nin o eco perenne dun lema: “Así, así, nin un paso atrás… esta Celulosa, ímola pechar!”.

Celebración do 30º aniversario da APDR en Pontevedra.

A actriz Mónica Caamaño foi unha das presentadoras do acto

Celebración do 30º aniversario da APDR en Pontevedra.

Arturo Estévez e Daniel Soutullo, socios fundadores da APDR e integrantes da primeira xestora

Celebración do 30º aniversario da APDR en Pontevedra.

Homenaxe ao arquitecto Fernando Martínez Sarandeses, primeiro presidente da APDR ,ata 1991. A súa viúva recolleu o recordo da Asociación

Celebración do 30º aniversario da APDR en Pontevedra.

Outro dos condutores do acto foi o xornalista Xabier Fortes que, entrevistou, en primeiro lugar, ao biólogo Daniel Soutullo

Celebración do 30º aniversario da APDR en Pontevedra.

Celia Cortizo, Lidia Torres e Aida Dantas, tamén foron distinguidas

Celebración do 30º aniversario da APDR en Pontevedra.

A APDR recoñeceu o respaldo da Asociación pola Defensa Ecolóxica de Galicia (Adega), representada pola súa secretaria, Mar Santiago

Celebración do 30º aniversario da APDR en Pontevedra.

Piter, Ralph & Tery, amenizaron a velada con música de Adriano Celentano e Fausto

“…Y las fábricas, “perfumando” están todo el aire
Y oscurecen un cielo tan negro oliendo que apesta
El alcalde asegura que la ciudad es moderna
No hacen caso si dices que el cemento tapó tus narices
El infarto es la moda, quien no lo padeció lo tendrá…”
[Fragmento de “Un árbol de 30 pisos”, de A.Celentano]

Celebración do 30º aniversario da APDR en Pontevedra.

Leonor González ‘Nené’, presidenta da APDR entre 1991 e 1997, foi unha das voces máis aclamadas polo público. “A miña ría convertérona nunha cloaca”, declaroulle ao Diario de Pontevedra tralo seu retorno de Sudamérica. Ademais de padecer ameazas de morte polo seu activismo, nalgunhas das fotografías proxectadas víuselle protagonizando intensas protestas, nalgunha das cales foi desaloxada á forza pola Policía

A literatura, na voz de Susana Trigo, Elvira Riveiro e Calros Solla

Celebración do 30º aniversario da APDR en Pontevedra.

O avogado Vicente García Legísima calificou de “indecente” a prórroga por 60 anos que o Goberno en funcións lle outorgou a Ence. Na súa intervención lembrou o xuízo de novembro de 2002 no que seis directivos da factoría asumiron unha condena por delicto ecolóxico

Celebración do 30º aniversario da APDR en Pontevedra.

En 2002 a marea negra do Prestige tamén mobilizou a APDR, coordinando grupos de voluntarios que acudiron ás zonas da costa afectadas polo verquido. Manuel González foi o responsable daquel operativo

O alcalde de Pontevedra, Miguel Fernández Lores, e a presidenta da Deputación, Carmela Silva, criticaron -respectivamente- as ‘esmolas’ de Ence aos colectivos de mariscadores para a dotación de medios materiais e aos clubes deportivos en forma de patrocinios, ademais do intento de ‘compra’ e das ‘presións’ exercidas dende a fábrica e a Xunta para que o organismo provincial cedese na situación que afecta ao Pazo de Lourizán

Celebración do 30º aniversario da APDR en Pontevedra.

Carlos Yus, de Migallas Teatro, caracterizado como Mariano Rajoy

Rosa Fernández Caamaño e Kiko da Silva, en representación dos artistas plásticos. Canda eles, colaboradores no campo da fotografía

Celebración do 30º aniversario da APDR en Pontevedra.

O actual presidente da APDR, Antón Masa, reivindicou que unha ampla maioría da poboación está a prol de recuperar a ría como evidencia a afluencia ás marchas contra Celulosas. Tamén rexeitou a política forestal da Xunta, ‘dictada por Ence’

Celebración do 30º aniversario da APDR en Pontevedra.

Celebración do 30º aniversario da APDR en Pontevedra.

A xunta directiva da APDR, no remate do acto de celebración dos 30 anos do colectivo

 

 


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

w

Conectando a %s

Categorías

%d bloggers like this: