DEFENDE O MONTE PITUCO (Pornedo)

Dende Monte Pituco, moitas grazas a Fran Currás por esta fermosa imaxe nocturna dun dos grupos do conxunto rupestre do Pornedo. 

Bo coñecedor do Monte Pituco, dos seus elementos de interese e das súas ameazas urbanísticas, Fran Currás formou parte da comisión técnica do proxecto de creación do Espazo Natural e Arqueolóxico dos Sete Camiños nunha época na que destacaba polo seu activismo cultural. Vencellado actualmente á Asociación Queremos Galego Marín, está desenvolvendo unha nova faceta como fotógrafo afeccionado, na que non agocha a súa sensibilidade con temas relacionados co medio ambiente, a paisaxe e o patrimonio cultural.