Publicado por: MontePituco | 31/01/2016

UNHA VEZ MÁIS, NO CASTRO DA SUBIDÁ

Charla do historiador Aarón Franco no Castro da Subidá.

Visitamos unha vez máis ao Castro da Subidá. A Asociación Cultural Almuinha organizou unha andaina que remataba no antigo poboado castrexo, habitado entre o século IX a.C. e o século II da nosa era. O historiador marinense Aarón Franco, que participou na excavación, encargouse de remontarnos uns cantos séculos atrás para falarnos da vida dos antigos poboadores da vila.

Só se chegou a excavar un exiguo 1% da superficie que abrangue o castro, cunha extensión que podería chegar ás 2 ou 3 hectáreas. A chegada do PP ao goberno local cortou a financiación, impedindo que afloraran máis estruturas habitacionais e outros posibles almacéns dos que daquela saíron á luz, e freando tamén a posibilidade de descubrir os muros defensivos.

…Tarefas pendentes que seguirán agardando tempos mellores nos que outros responsables políticos con máis sensibilidade pola cultura e con máis visión de futuro sobre o potencial dun turismo sostible, destine, unha dotación económica suficiente para ampliar a excavación, xestionar adecuadamente os achados e divulgar os resultados dos traballos arqueolóxicos.

 

Charla do historiador Aarón Franco no Castro da Subidá.

Visitar o castro da Subidá é tamén unha magnífica oportunidade para contemplar, de fronte, o Monte Pituco -Pornedo, pola súa denominación tradicional-. Nesta ocasión non foi posible polo orballo e pola néboa que cubría os cumios da vila. Pasando os minutos a vista iríase despexando…

Vista do Monte Pituco (Pornedo) dende o Castro da Subidá.

Visitar o castro da Subidá nunca deixa indiferente. Algúns dos participantes na andaina organizada por Almuinha non coñecían a existencia de petróglifos, nin da vella canteira situada no ‘torreón’ onde Pepito Meijón deixou tamén a súa peculiar pegada nas pedras.

…Non sabemos se foi Meijón quen cincelou estas letras nunha laxe a carón das estruturas das cabanas. Só que a natureza colonizou os seus trazos para que hoxe poidamos (case) ler os seus pensamentos.

Pedra con brións a carón das estruturas descubertas do castro.

Vista do Monte Pituco (Pornedo) dende o Castro da Subidá.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: