No marco das obras de Acuaes, a instalación dun caudalímetro automatizado na saída do depósito de Cadrelo vai provocar un corte no subministro municipal de auga que se producirá mañá mércores dende as 8 da mañá ata as 2 da tarde. As zonas afectadas, segundo o Concello de Marín, serán A Moreira, Castro, Cidrás, Sete Espadas, Mogor, Igrexario, A Brea, Marín de Arriba, A Pena, Casal, San Xulián, Viñas Blancas, Pituco e O Marco.
Cando o concello se refire a “Marín e Arriba” e “Pituco” non sabemos moi ben a que se refire, tendo en conta que o que comunmente se coñece como Marín de Arriba engloba a parroquia de San Xulián. Tampouco Pituco é un núcleo habitado, polo que acaso o goberno local aluda aos lugares de A Pena e O Caeiro, que son os máis próximos ao monte.
De todos modos, cómpre matizar este anuncio do Concello, polo menos na parte máis rural e ‘agreste’ das zonas afectadas polo corte, porque moitas das vivendas situadas neses puntos abastécense de mananciais propios e non dependen da traída municipal. É o caso dos habitantes de Caeiro, da Laxe ou do Casal, que contan con depósitos que se nutren de captacións de auga natural situadas no Monte Pituco.
Onde tampouco haberá auga será na piscina municipal, no colexio do Carballal, no campo de fútbol de San Pedro e no pabellón da Raña.
“En la actualidad restan por ejecutar unos 300 metros de conducciones y se encuentramuy avanzada la ejecución de la estructura del depósito de Pardavila. La finalización de estas obras está prevista para marzo de 2016”.
DEFENDE O MONTE PITUCO (Pornedo) 
Deixar unha resposta