Comunicado da Mancomunidade de Montes de Pontevedra:
A aparición de obxectos e barreiras que parecen querer obstaculizar o paso polo monte ten saído nos últimos meses na prensa. Os ciclistas séntense directamente ameazados e os cualifican de “trampas” que poden causar danos persoais. Celebraron una concentración e fixeron público un manifesto reclamando o seu dereito a circular polo monte sen atrancos, acusando a comuneiros e cazadores de querer impedilo. Algúns mesmo chegaron a cuestionar o dereito das comunidades sobre o monte veciñal. Ante a confusión creada, a Mancomunidade de Montes de Pontevedra, na súa última Asemblea, acordou celebrar una mesa redonda sobre os usos do monte e os abusos que se producen, buscando o xeito de compatibilizar os primeiros e evitar os segundos.
Lugar: Salón de actos do Pazo da Cultura de Pontevedra.
Data: Sábado 16 de xaneiro, de 10,30 a 13 h.
Participantes:
– Manuel Torres, presidente da Asociación Ciclista “Pedaladas”.
– Francisco Couselo, presidente da Federación de Caza de Pontevedra.
– José Luís de la Fuente, sarxento da Garda Civil -Seprona.
– Amalia Pazos, xefa Servizo de Montes, Consellería Medio Rural – Pontevedra.
– Xosé Carlos Morgade, secretario da Mancomunidade de Montes de Pontevedra.
– Calixto Escaríz, xurista experto en monte veciñal.
Moderador: Óscar Vieitez, xornalista.
O propósito da Mancomunidade de Montes de Pontevedra é propiciar un diálogo construtivo que sirva de base a un entendemento e que, evitando os abusos e os posibles danos, poida establecer un uso compatible de todos os interesados dentro do cumprimento da lexislación vixente.
DEFENDE O MONTE PITUCO (Pornedo) 
Deixar unha resposta