Publicado por: MontePituco | 04/01/2016

CHEQUEO ÁS OBRAS DE ACUAES NO PITUCO

20151212_173759

Son as obras de nunca acabar. Xa en novembro seguiamos a súa evolución con evidente intriga por saber como continuarían: “AS OBRAS DE ACUAES, FURANDO NO PITUCO“.

E a primeira pregunta que cabe facerse é precisamente: esta actuación non tiña que ter rematado en 2015 segundo o prazo establecido pola Unión Europea, que achegaba unha parte dos fondos económicos?

En prazo ou non, o caso é que o depósito de auga que se está construíndo na Pardavila está a medio facer, e no Monte Pituco as obras están atascadas -nunca mellor dito- no túnel baixo a Variante, no punto intermedio entre A Pena e O Caeiro. 

A empresa zamorana Perfhora está realizando unha perforación horizontal baixo o paso subterráneo da Variante; o que vén sendo un túnel debaixo do propio túnel. Non queremos imaxinar o custe desta actuación nin o tempo que vai demorar aínda o remate dos traballos; en calquera caso, son cifras e datos que -se nos fiamos deles- deben figurar nos orzamentos do proxecto.

Pero botando a vista non moi atrás podemos concluir que máis valía a opción que propuxera DEFENDE O MONTE PITUCO nas alegacións presentadas, propoñendo que as tubarías se canalizaran seguindo o trazado da estrada provincial, cruzando uns metros de viaducto sobre a Variante -coas suxeccións axeitadas- e continuaran pola pista que sube na curva d’A Pena ata enlazar coa vía de servizo pola que xa se soterraron os tubos. Máis barato, máis rápido, máis eficiente. Cae de caixón sen necesidade de ser titulado da NASA…

20151227_161505

20151227_161538.jpg

20151227_161517.jpg

20151227_161532.jpg


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: