Hai un ano por estas datas presentamos neste blogue o libro “Conciencia política e literatura galega en Madrid (1950-2000), de Ana Acuña, marinense veciña desta parroquia de San Xulián.
Un ano despois queremos anunciar con moita ledicia que este libro vén de ser galardoado na 30ª edición do Premio Antón Losada Diéguez, na modalidade de Investigación e Ensaio. O xurado destacou que esta obra “recolle unha investigación cabal e rigorosa sobre un exilio particular de galegos e galegas na capital do Estado, un grupo consciente da súa galeguidade exercida en Madrid de xeito plural”. O estudo céntrase nun periodo de tempo que, segundo se recolle na acta, foi “decisivo na historia de Galiza e na historia española de que esta depende”.
Dende o Monte Pituco, dicimos con ORGULLO, MOITOS e MERECIDOS PARABÉNS para Ana Acuña.
DEFENDE O MONTE PITUCO (Pornedo) 
Deixar unha resposta