Consolídase a actividade agrogandeira no Monte Pituco, recuperado xa daqueles insufribles, antiestéticos e profundos labirintos de zanxas e surcos na terra que se abriran antano co paso indiscriminado das motos e dos quads, cando os pilotos tíñano tomado practicamente en exclusiva como campo de adestramento e de entretemento particular.
Anteriores artigos relacionados:
* Motores fóra (xuño 2010)
* Ex-circuíto: antes e despois (abril 2011)
Agora seguimos comprobando con satisfacción a evolución positiva na recuperación do terreo, que dá herba, fento e toxo que a veciñanza vén apañar periodicamente para fornecer as cortes de estrume ou para alimento do gando.
O novo reto agora consiste en convencer os usuarios do monte de que cando veñan traballar, e durante a xornada consuman algunha bebida ou comida, non tiren os envases ao chan; e que tampouco deixen abandonados os restos sobrantes dos seus materiais de traballo, como cordas ou latas de combustible.
O monte, para o aproveitamento e o disfrute da veciñanza.
Non para ensucialo nin destruílo!
Non para enchelo de ruído, de asfalto nin de formigón!
DEFENDE O MONTE PITUCO (Pornedo) 
Deixar un comentario