No Monte Pituco xa temos o noso exemplar da Axenda Labrega Galega, coa que poderemos planificar os cultivos da horta ao longo dos doce meses do ano. Soubemos desta publicación a través de A Veiga do Palheiro de Postemirón e, pescudando na rede, demos co blogue dos seus promotores, a comunidade rural Tornajeira, afincada la vila ourensá de Vilamarín.
A Agenda Labrega ofrece información sobre os principais produtos do agro: o tipo de solo que precisa cada plantación, o tempo da sementeira, os labores de mantemento que require, os problemas que poden xurdir…
…Moi importante, o calendario lunar, cunha guía orientativa dos traballos agrícolas que cómpre realizar en cada época. Tamén hai espazo para unha escolma de refráns tradicionais, fichas de cultivo, planos de horta e un cuadro de asociacións de cultivos para obter a maior produtividade do solo dun xeito sostible e respectuoso co medio.
No blogue da Agenda Labrega detállanse as posibilidades para obter unha; nós a adquirímola por 13€ na libraría Ciranda de Santiago que, xunto co bar Lusco-Fusco de Ourense, son os únicos puntos de venda físicos. Tamén se pode obter mediante transferencia na Caixa Rural Galega, ou contactando por correo electrónico con Tornajadeira.
No documento que segue, en formato issuu, pódese ver un adianto da publicación:
DEFENDE O MONTE PITUCO (Pornedo) 
Deixar unha resposta