Publicado por: MontePituco | 17/06/2013

XA PODÍA APRENDER MARÍN DE PONTE CALDELAS

Petróglifos de Pornedo, rodeados de fento.

Neste blogue non é a primeira, nin a segunda vez, nin será a última, que se dean mostras de respecto pola política de protección e revalorización do patrimonio arqueolóxico que practica o Concello de Ponte Caldelas. Cos seus defectos, que os terá. Pero que un goberno local conservador aposte pola posta en valor dos xacementos arqueolóxicos, que os potencie como factor de atracción turística, que organice unha romaría adicada á arte rupestre para dinamizar o desenvolvemento da zona… cando menos merece que se lle preste atención, que se siga a evolución das súas actuacións, que se aplauda publicamente.

No polo oposto, outro goberno local conservador: o marinense. Dous anos manexando o timón municipal e o único que se pode anotar no seu “haber” é o desbroce tardío do castro da Subidá, onde a vexetación campaba ás súas anchas ata que empezaron a xurdir protestas dende a oposición. Mais, no “debe” clama ao ceo a incompetencia dos “responsables” de que o centro de interpretación dos petroglifos de Mogor siga pechado dous anos despois de remataren as obras, malia o seu elevadísimo custe.

Recén chegados ao Goberno local e cos seus flamantes cargos recén estreados, tiveron a ben desprazarse ata o Pornedo, ver POR PRIMEIRA VEZ os conxuntos rupestres que se atopan alí e dos que descoñecían a súa existencia, e comprobar a situación de abandono na que están. A visita serviu para que se laiaran moi sentidamente do mal que estaban as arcas públicas, que nin para alimentar as arañas lles daban os fondos cos que contaban; que a ver se a Comunidade de Montes arrimaba o ombro, que aí si que había cartos, veu dicir a alcaldesa.

Dous anos despois, a Comunidade de Montes presume de ter aínda máis diñeiro. E malia que o PP continúa aducindo nos Plenos que segue habendo facturas atrasadas da anterior lexislatura, tamén fan alarde dunha boa saúde financeira. E nin con esas son capaces de destinar un só céntimo á limpeza do perímetro destes gravados milenarios catalogados como Bens de Interese Cultural e á súa sinalización.

Traballos de limpeza nos accesos á Área Arqueolóxica de Tourón, en Ponte Caldelas. 

Mentres, en Ponte Caldelas, o Goberno local acaba de encargarlle a unha brigada municipal o desbroce dos accesos e a reparación do mobiliario urbano da Área Arqueolóxica de Tourón, para que estea en condicións óptimas de cara ao verán, para que os turistas poidan acceder á zona. Tamén aproveitaron para restablecer o suministro de auga e a revisar as canalizacións.

Dende o Concello preocúpanse por promocionar este recurso no que investiron para telo perfectamente conservado, sinalizado e comunicado: unha técnica municipal atende permanentemente a aula de interpretación que hai preto dos petroglifos, que reciben a visita de numerosos grupos de escolares que van admirar as figuras representadas nestas laxes: cazoletas e círculos concéntricos como os do Outeiro da Forcadela, escenas de caza como os de Nabal de Martiño, trisqueles, esvásticas e un gran cervo con vaciado interior na Laxe das Cruces son algúns elementos representativos.

Precisamente, o propio Concello desenvolve un programa de actividades didácticas para centros educativos de toda a provincia. Nos últimos días, ás visitas de estudantes de Noalla e de Moaña uniuse un grupo de Educación Primaria do Colexio Piragüilla, de Gran Canaria, que percorreron Galicia na súa viaxe de fin de curso.

 Escolares de Gran Canaria visitaron a Área Arqueolóxica de Tourón, en Ponte Caldelas.

Dende DEFENDE O MONTE PITUCO seguiremos facendo xestións ante a Comunidade de Montes, o Concello e a Xunta para que se acondicionen os xacementos arqueolóxicos da parroquia de San Xulián.


Responses

  1. […] -Xa podía Marín aprender de Ponte Caldelas (xuño 2013) […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: