Publicado por: MontePituco | 16/06/2013

PROTECCIÓN DOS MONTES DO MORRAZO

Panel na ruta do Río da Fraga.

O sendeiro do río da Fraga está sinalizado con paneis e marcas para orientar os pasos dos camiñantes e informar sobre as características do espazo.

Antigas corredoiras bordeando o río da Fraga.

Unha parte do itinerario transcorre sobre un camiño empedrado, moi antigo. Coas pedras cubertas polo musgo, algunhas das cales teñen marcas do que parecen ter sido rodas que carro.

No camiño tamén atopamos mostras da "burricie" humana.

Nalgúns puntos do traxecto atopamos verquidos de lixo, cascallos e restos de limpeza de fincas. A “burricie” humana non ten fronteiras.

No roteiro predominan os carballos novos.

Malia que os eucaliptos tamén invaden a zona que comprende o límite entre os concellos de Marín e Moaña, entre Pastoriza e Cruz da Maceira hai carballeiras autóctocas de árbores novas. Espazos sombrizos que conforman un fermoso ecosistema.

Sendeiros entre os carballos.

Sinalización da mámoa de Forno de Arcas.

Os integrantes da comisión técnica para o proxecto de creación do Espazo Natural e Arqueolóxico levamos tempo reivindicando a sinalización dos elementos arqueolóxicos e etnográficos. Nesta andaina por Cruz da Maceira e Pastoriza hai varios indicadores que sitúan a localización de enclaves como a capela de San Lourenzo ou a mámoa de Forno de Arcas.

Valado tradicional na carballeira que rodea a mámoa de Forno de Arcas.

Mámoa de Forno de Arcas, en Pastoriza.

Unha das laxes da mámoa, con marcas de cantería.

A mámoa de Forno de Arcas, como tantas, foi expoliada. Neste caso, unha das laxes presenta marcas de cantería, e outras están fragmentadas; posibles aproveitamentos para obras da zona. Este monumento megalítico catalogado está rodeado dunha frondosa carballeira e valados de pedra tradicionais.

Valado tradicional na carballeira de Forno de Arcas.

Carballeira que rodea a mámoa de Forno de Arcas.

Baixo este carballo abrolla un pequeno regato.

O río da Fraga non é o único curso fluvial da contorna. Nesta zona tamén está o nacemento do río das Gorgadas, afluente do Loira. Na vexetación da zona detaca a erica tetralix, nunha zona húmida.

As carballeiras, illas de vida no medio dos eucaliptais.

Nas zonas sombrías xa medran os cogomelos.

O musgo forma grandes mantas de musgo.

Erica tetralix nunha zona húmida do nacemento do río das Gorgadas.

Ao longo do itinerario abundan os castiñeiros.

Aos carballos súmase tamén a presenza de castiñeiros de porte medio. Ao longo do traxecto a Comunidade de Montes de Moaña diríxese aos usuarios para que respecten a arboreda e manteñan limpo o espazo. Cómpren comunidades de montes preocupadas pola conservación do seu patrimonio.

Panel da Comunidade de Montes de Moaña.

A Plataforma en Defensa dos Montes do Morrazo organizou este percorrido para concienciar a cidadanía sobre a inconveniencia dos proxectos de urbanización que promove a Xunta no Plan de Ordenación de Áreas Industriais de Galicia, que contempla a construcción dun polígono nesta área.

Tamén no Monte Pornedo pesa esa ameaza, por partida dobre. Dunha banda, porque foi catalogado como chan industrial no Pxom marinense e, ademais, tamén lle afecta o proxecto autonómico de instalación da plataforma loxística Marín-Pontevedra. O Monte Pornedo forma parte dos Montes do Morrazo, catalogado como Espazo Natural Protexido polas Normas Subsidiarias e Provinciais de Planeamento.

Pola protección integral dos Montes do Morrazo.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: