Publicado por: MontePituco | 11/06/2013

O CENTRO RUPESTRE DE MOGOR, CRIANDO ARAÑAS

La Voz, 9 de xuño de 2013.

…E os petroglifos do Alto do Pornedo e dos Sete Camiños, abandonados, rodeados de vexetación, indefensos ante un lume forestal cando aprete a calor, ou coa súa integridade comprometida se calquera usuario do monte acode a cortar fento para esquilme e os leva por diante cunha máquina.

Malia que vai en notable aumento o número de visitas que recibe esta zona a través das actividades que se promoven dende a comisión técnica para a creación do Espazo Natural e Arqueolóxico dos Sete Camiños, ningunha autoridade competente a nivel local, provincial e autonómico -incluida a Comunidade de Montes- dá un paso adiante para poñer en valor estes xacementos dunha vez por todas; algo perfectamente posible cun mínimo investimento, se tan sequera a algún colectivo de voluntarios profesionais e voluntarios da arqueoloxía fora autorizado para facer unha simple intervención de limpeza, conservación e sinalización no seu perímetro.

A despreocupación do Concello polo do seu patrimonio natural e rupestre, deixa moito que desexar. E para mostra, o “botón” do centro de interpretación dos petroglifos de Mogor. As declaracións pomposas e cargadas de falso compromiso a prol da protección deste legado cultural é fume barato. A realidade é que na práctica nada diso se fai e, coma o can do “hortelano”, os políticos e os seus aliados nin comen nin deixan comer. O que mellor se lles dá é deixar correr o tempo, a distancia, e o esquecemento colectivo.

Petróglifos de Pornedo, rodeados de fento.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: