Publicado por: MontePituco | 31/05/2013

COMUNIDADES QUE SE PREPARAN PARA EVITAR INCENDIOS

Faro de Vigo, 23 de maio de 2013.

Hai comunidades de montes nas que a loita contra o lume se toma ben en serio moito antes de que o calor comece a apretar e, co bo tempo, se incremente o risco de incendios, ben por algunha queima imprudente ou por algunha acción premeditada. En San Xulián durante os últimos anos, os principais aliados nesta materia tan sensible son os santos e santas dos altares: San Xudas Tadeo, patrón das causas perdidas; San Expedito, das urxentes…

O monte coma un polvorín, coas cunetas das pistas infestadas de broza e, particularmente, xestas, que quedan moi vistosas na primavera cheas de flores amarelas pero que, cando secan, convértense en dinamita incendiaria. As sucesivas borrascas dos pasados meses que fixeron medrar a vexetación, que descargaron no chan moita materia orgánica caída das árbores, principalmente eucaliptos, outra peste máis…

Nestas condicións tan precarias, o monte veciñal da parroquia non está preparado para afrontar o verán nunha situación de relativa seguridade. Volverán ser a climatoloxía adversa -mal que lles pese a hosteleiros e veraneantes- e as pregarias da veciñanza as que nos afasten do lume, a falta da posta en marcha dalgún plan eficaz de prevención que, en comunidades de montes máis avanzadas e responsables, xa se van aplicando con máis esforzo e vontade que medios económicos ou axudas institucionais.

…De cartos non se pode queixar a comunidade de San Xulián, á vista dos ingresos polas numerosas expropiacións coas que non se fai máis que descapitalizar o patrimonio territorial da parroquia. De apoio financeiro da Administración, tampouco, tendo en conta os “gobernos amigos”…

A única actuación visible dos últimos días é a limpeza -desbrozadora en ristre- que se vén realizando para despexar de vexetación as árbores novas coas que se repoboou o Monte Pituco hai uns anos. Árbores que, precisamente, pola falta de coidado, pola ausencia de labores de mantemento, non medraban nin medio palmo ao ano, “afogadas” baixo fentos e toxos; cando non eran vítimas de actos vandálicos aqueles exemplares máis próximos á mal chamada área recreativa.

Curiosamente, vanse preocupar por repoboacións localizadas nos terreos afectados directa ou indirectamente polo polígono industrial proxectado no PXOM. E tendo en conta o “apoio” da directiva da Comunidade de (des)montes a ese proxecto absolutamente alegal, antieconómico, agresivo co medio ambiente, coa paisaxe e co legado arqueolóxico, esta medida só se pode entender de dúas maneiras: como un lavado de cara (ai, canto nos preocupamos polos nosos recursos forestais) de cara á galería, e unha maneira de gastar combustible e tirar cos cartos. Todo para que non arda; non sexa que resulte un impedimento para URBANIZAR un ESPAZO NATURAL PROTEXIDO.

…A pesar do fondo, benvida sexa, de todos modos, pola forma, esta limpeza, se redunda en beneficio do monte veciñal. Cando menos, mentres siga sendo MONTE. Porque, abofé, en DEFENDE O PITUCO seguirase reivindicando atención, traballos de conservación e mellora deste espazo no que hai tanto por facer.

Traballos de desbroce arredor das árbores novas coas que se repoboou o Monte Pituco.

Traballos de desbroce arredor das árbores coas que se repoboou o Monte Pituco.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: