Publicado por: MontePituco | 04/01/2013

CAMPAÑA ‘ARBORÍZATE’

No Alto do Pornedo tamén hai (uns poucos) piñeiros.

Rematan as festas e xa vai tocando desarmar o tenderete navideño: guirnaldas luminosas, espumillón, as figuras do belén… e a árbore? En Marín non se ten coñecemento de ningunha iniciativa municipal para recoller os piñeiros naturais despois de retirarlles os adornos. Por iso dende DEFENDE O MONTE PITUCO imos recomendar a participación da cidadanía sensible coa natureza nunha encomiable iniciativa do Concello de Pontevedra e da Mancomunidade de Montes de Pontevedra para replantar as árbores de Nadal.

A campaña “Arborízate” realizarase os días 12 e 13 deste mes de xaneiro (sábado pola mañá e pola tarde, e domingo pola mañá). Consistirá na plantación deses abetos en dúas parcelas de monte veciñal situadas nas comunidades de montes de Santa María de Xeve -no lugar de Gatomorto, cerca de Verducido- e de Salcedo -na parte de abaixo do recinto da Brilat-. Previamente, durante o día de Reis, recolleranse todas as árbores.

Os días nos que se faga a plantación, uns monitores axudarán ás persoas que acudan ao monte: entregaranlles unha foto coa súa árbore, un localizador para que poidan seguir o seu crecemento, e os que o desexen mesmo poderán “bautizar” o seu abeto cun nome.

Os promotores da campaña difundiron unha serie de consellos para conseguir que as plantas sexan transplantadas con éxito: situalas en espazos alonxados de fontes de calor directa, rego cada dous ou catro días dependendo da temperatura da sala, e situar as árbores durante uns días nos espazos máis fríos da casa para ilas adaptando ao cambio.

As persoas interesadas en inscribirse en “Arborízate” poden contactar co número de teléfono 986 85 14 24 ou por correo electrónico no enderezo montespontevedra@mundo-r.com


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: