Publicado por: MontePituco | 24/12/2012

3º ROTEIRO CONTRA O PARQUE EÓLICO NO MORRAZO

3ª andaina contra o parque eólico de Pedras Negras.

O roteiro reivindicativo organizado pola Plataforma en Defensa dos Montes do Morrazo contra a instalación dun parque eólico no contorno de Pedras Negras mobilizou arredor dun cento de veciños e veciñas de Moaña, Marín e Vilaboa, os municipios afectados polo proxecto que impulsa a empresa Enel Green Power España. Durante a protesta recolléronse alegacións contra esta iniciativa que actualmente atópase en fase de exposicón pública, e que se presentarán ata mediados de xaneiro ante la Xunta para esixir a paralización do proxecto.

Esta foi a terceira andaina destas características que, como as anteriores, comezou a carón da mámoa de Chan da Arquiña, catalogada como Ben de Interese Cultural. O voceiro de Luita Verde, Cándido Martínez, denunciou que as obras do parque eólico para anchear as pistas e instalar cableado en gabias que afectarían de modo severo e moderado ao patrimonio arqueolóxico da zona, onde tamén se sitúan as mámoas de Fonteseca e Chan de Lagucheiros, así como o petroglifo de Outeiro do Gorgullo.

3ª andaina contra o parque eólico de Pedras Negras.

Ao longo do itinerario fóronse marcando algúns dos puntos nos que se erguerían os 14 aeroxeneradores proxectados, dunha altura de 145 metros cada un. O seu impacto sería visible dende as rías de Vigo e de Pontevedra, as serras do Barbanza e do Salnés, ata o Parque Nacional das Illas Atlánticas, advertiron os promotores da protesta, que destacaron a súa cercanía ao Lugar de Interese Comunitario da Enseada de San Simón.

Cándido Martínez expuxo que no proxecto de Enel Green Power España para a bisbarra do Morrazo existe unha área de reserva eólica, incluida no Plan Sectorial Eólica de Galicia, que prevé 18 aeroxeneradores máis, ampliando a afección ata o municipio de Bueu.

3ª andaina contra o parque eólico de Pedras Negras.

3ª andaina contra o parque eólico de Pedras Negras.

Unha das bazas nas que cómpre facer fincapé para intentar que a Xunta recoñeza a inviabilidade do parque eólico neste emprazamento baséase en que os Montes do Morrazo están catalogados como solo rústico de especial protección de espazos naturais polas Normas Complementarias e Subsidiarias de Planeamento da provincia de Pontevedra, polo que non están permitidos os usos industriais. Neste sentido, consideran que o parque eólico é incompatible coa preservación dos valores naturais, paisaxísticos, xeológicos, arqueolóxicos, etnográficos, sociais e económicos da contorna.

A Mancomunidade de Montes do Morrazo -da que forman parte as comunidades de montes de San Adrián de Cobres, Domaio, Meira, Moaña e San Tomé de Piñeiro- xa se posicionaron en contra do proxecto, ao igual que o Pleno da Corporación de Marín. A Plataforma Montes do Morrazo demandou que os concellos de Moaña, Cangas, Bueu e Vilaboa formalicen tamén o seu rexeitamento.

3ª andaina contra o parque eólico de Pedras Negras.

3ª andaina contra o parque eólico de Pedras Negras.

3ª andaina contra o parque eólico de Pedras Negras.

Ao roteiro asistiron integrantes do Clube de Parapente Morrazo que, se o parque eólico prosperara, perdería un dos principais puntos de despegue e aterraxe, situado en Coto do Home, o punto máis alto desta península.

Ademais, dende Luita Verde alertaron sobre a mortandade de aves a causa do funcionamento dos muíños, e os efectos da contaminación acústica, electromagnética e hidrolóxica, xa que para a instalación destes aparellos habería que alterar os terreos nos que nacen os ríos Loira, Lameira, río da Fraga, Miñouba, Libón, o río dos Ladróns, os afluentes de Riomaior, Rego da Maceira e Neibó, así como os mananciais naturais que suministran as vivendas de varias parroquias para consumo doméstico e de regadío.

3ª andaina contra o parque eólico de Pedras Negras.

3ª andaina contra o parque eólico de Pedras Negras.

3ª andaina contra o parque eólico de Pedras Negras.

A Plataforma Montes do Morrazo trasladoulle a súa solidariedade aos colectivos que loitan contra a instalación doutro parque eólico na Serra do Galiñeiro que, xunto co previsto tamén en Monte Castrove, faría que o impacto na paisaxe sexa continuo en todas as Rías Baixas.

3ª andaina contra o parque eólico de Pedras Negras.

Máis información:

*Modelo de alegación individual ao proxecto do parque eólico de Pedras Negras: no blogue Defende o Morrazo.

*Artigo sobre o 2º roteiro polos Montes do Morrazo.

*Artigo sobre o 1º roteiro polos Montes do Morrazo.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: