Publicado por: MontePituco | 14/12/2012

A PROBLEMÁTICA DOS CABALOS, NOTIFICADA Á XUNTA

La Voz, sobre o escrito presentado na Delegación da Xunta sobre os cabalos coas patas atadas.

Esta semana foi presentada na delegación provincial da Consellería de Medio Rural un escrito notificando a existencia dun grupo de cabalos que pastaban polo Alto do Pornedo coas patas atadas con cordas. Como non se trata dun caso illado, senón que a presenza de gando mostrenco con esta problemática das extremidades prendidas é algo relativamente “normal” nos montes que abarcan dende Pontevedra ata Vilaboa, pasando por Marín e o contorno da Lagoa de Castiñeiras, e son numerosas as denuncias ou as queixas expostas en diversos foros por colectivos ecoloxistas, animalistas e mesmo particulares, en DEFENDE O MONTE PITUCO optamos por notificarllo á Administración autonómica.

No escrito pediuse máis vixiancia e máis medidas para localizar os propietarios destas reses. En primeiro lugar, porque están a incumprir de xeito impune a Lei de Protección Animal ao limitar o seu movemento con pexas, cadeas, cordas, ou artiluxios semellantes nas súas patas. Neste caso era máis cruel e flagrante aínda, xa que os catro equinos da manada -non só un- tiñan esa limitación.

Probablemente tampouco os donos deste gando o teñan regulado conforme o recente decreto sobre identificación, ordenación sanitaria dos cabalos e xestión dos équidos mostrencos.

Agardamos entón que os responsables provinciais da Consellería de Medio Rural, sexan os provisionais ou mellor os definitivos, unha vez que remate de configurarse a cadea de cargos orgánicos deste departamento da Xunta, tomen nota desta lacra e fagan o todo o posible por erradicala aplicando medidas contundentes cos infractores.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: