Publicado por: MontePituco | 24/11/2012

HISTORIA DUNHA FLOR NO MONTE PITUCO

A progresión dunha flor de allium, entre xuño e setembro de 2012, no Pituco.

A casualidade fixo que nunha das nosas innumerables andainas polo Monte Pituco atoparamos unha planta que, a través da “Guía das plantas de Galicia” de X.R. García, demos en identificar como Allium ampeloprasum ou allo bravo. Sorprendeunos pola súa forma esférica, a intensa cor púrpura que ía cubrindo o bulbo na súa totalidade co paso do tempo, ata que un día de verán atopámola florecida en todo o seu esplendor. E así botou semanas, poñendo o seu toque de distinción cromática a un dos recunchos máis interesantes do monte, dende onde se divisa unha boa panorámica da ría.

Pouco a pouco, en chegando o outono, foi murchando e apagándose, sen perder nin ápice de elegancia, ergueita moi dignamente fronte ao vento e a choiva, porque aínda lle quedaba moito que ofrecer. As súas microflores convertéranse en cápsulas diminutas que foron abríndose para deixar caer a semente na terra. Así, pode que na vindeira primavera a planta do allo bravo volva agromar neste singular balcón da ría, como símbolo de resistencia fronte aos túzaros que non saben apreciar a maxestuosidade dunha humilde flor.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: