DEFENDE O MONTE PITUCO (Pornedo)

Hai xa varios días que a estrada de San Xulián luce a nova sinalización vertical, que complementa o pintado deste vial que vén de ser reformado coa dotación de beirarrúas. Faltan algúns elementos de mobiliario urbán que consideramos necesarios: papeleiras, bancos. Pero o grao de madurez deste investimento é cada vez maior e, a falta dalgúns detalles, a veciñanza pode estar satisfeita de contar cun espazo digno polo que transitar con garantías en materia de seguridade. Noraboa pois ás entidades -en especial á Asociación de Veciños de San Xulián- pola súa constancia e o seu espírito reivindicativo, ás Administracións públicas -Concello, Deputación- que escoitaron as demandas e aos particulares que puxeron da súa parte para que esta infraestrutura sexa unha realidade.