Publicado por: MontePituco | 24/09/2012

LEGALIDADE vs. OPORTUNIDADE, POR ENCARNACIÓN RIVAS

A directora xeral de Urbanismo, que a semana pasada estivo en Marín para presentar o PXOM nun discreto olor de multitudes, descoñece tamén a realidade que rodea o Monte Pituco -a súa complexidade orográfica, o seu abundante patrimonio histórico, mesmo a presenza de especies animais e vexetais vulnerables-. E dicimos “tamén” porque nin sequera o propio conselleiro de Medio Ambiente sabe precisar a súa catalogación urbanística, e garantiza por escrito a conservación dos seus “valores” -dixo literalmente- pasando por alto que eses “valores” están condenados a padecer, en todo ou en parte, unha agresión brutal, irreversible e ilóxica dende o punto de vista económico e medioambiental.

Tanto Encarnación Rivas como Agustín Hernández, que nos últimos meses se reuniron coa alcaldesa de Marín en numerosas ocasións para escenificar o seu apoio á aprobación do planeamento, deberían visitar o Monte Pituco. De tanto que presumen os políticos -os populares particularmente- de coñecer Galicia, á hora de decantar o posicionamento dunha Administración de rango superior como a Xunta a prol ou en contra dun proxecto tan serio e determinante como un polígono industrial, deberían actuar con pleno e real coñecemento de causa.

Pola contra, a secretaria xeral de Urbanismo demostra que descoñece aspectos tan sobradamente obvios sobre o Pituco. “Xa no ano 2010 a Autoridade Portuaria rexeitou esa ubicación como posible alternativa das empresas aloxadas no Porto”, dicímoslle nunha breve conversa informal. “Ah, si? Por que?”, pregunta ela. “Polo desnivel do terreo!”. A súa xustificación, para restarlle importancia ao renuncio, redúcese a plantexar que o seu departamento cínguese a velar pola “legalidade”, non a cuestionar a “oportunidade”.

Esa afirmación cae polo seu propio peso cando, uns minutos despois , Encarnación Rivas asiste -en primeira fila- á presentación da candidatura do seu partido pola provincia de Pontevedra.

“Gobernar non é gastar, é administrar. Administrar é priorizar. E priorizar é decidir onde se invirte o escaso diñeiro que os cidadáns temos”.

Palabras de Alberto Núñez Feijóo, candidato á reelección. Haberá que lembrarllas a cotío, tanto á secretaria xeral de Urbanismo, como á alcaldesa de Marín, que asistía á presentación en segunda fila, ao carón da delegada da Zona Franca de Vigo, Teresa Pedrosa. E, por suposto, a Agustín Hernández, o mesmo que non hai moito comentaba extraoficialmente que urbanizar o Monte Pituco tería un elevado custe, difícil de asumir non só para as arcas públicas, senón tamén para a capacidade económica do empresariado que potencialmente estivera interesado en trasladarse a esa zona. Taludes inmensos que, ademais de vergoñentamente custosos, causarían un impacto paisaxístico que faría dano á vista dende os concellos da beira norte da ría e mesmo na veciña Pontevedra e no propio Marín.

 


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: