Publicado por: MontePituco | 24/08/2012

DESBROCE DA ÁREA DE LECER E LIMPEZA VIARIA

Remata a semana cunha boa noticia: o desbroce da área de lecer a carón da estrada de Figueirido, que levaba moitos meses nun estado calamitoso, chea de silvas, fentos e maleza que facían que o lugar non resultara especialmente indicado para cumprir a súa función, como zona de descanso, paseo ou esparcemento.

No blogue DEFENDE O MONTE PITUCO denunciouse en numerosas ocasións a mala imaxe que ofrecía este espazo, no que é habitual ver grupos de veciños conversando, xogando ás cartas nas tardes calurosas do verán á sombra das árbores, paseando os cans ou mesmo celebrando cumpreanos e festas. Esta última actividade non era recomendable pola participación de nenos e nenas de pouca idade que, debido a que a broza acumulada en determinados recunchos, podían estar expostos a algún perigo.

Foi necesario algún que outro escrito ao Concello para informar desta situación no caso de que tiveran algunha competencia, e solicitarlle á directiva da Comunidade de Montes de San Xulián -na última asemblea extraordinaria- que adoptaran as medidas necesarias para proceder á limpeza urxente desta zona. Pasaron vinte días desa petición e por fin podemos informar do cumprimento desa especie de “compromiso” que adoptou a Comunidade de Montes cando tomou nota do aviso.

[Ver o artigo titulado “A ÁREA DE DESCANSO EN ESTADO DE ABANDONO“]

O desbroce realizouse nunha zona ampla, contra o fondo da área de lecer. A maleza tiña tanta altura e era tan mesta que ata dificultaba o paso da luz. A eliminación da vexetación permitiu facer un gran descubrimento: a excelente paisaxe do porto e da ría, coa Illa de Tambo en pleno centro da postal, que se divisa dende este privilexiado espazo.

Esta área de lecer complementa a vista aínda máis panorámica e extraordinaria que se divisa dende o miradoiro natural do Alto do Pornedo. Sería moi oportuno que, despois do desbroce deste espazo se continuaran realizando outras melloras: a reparación dos desperfectos que ten o mobiliario, con algún banco de pedra roto, e a reposición de papeleiras; o saneamento das fontes; a instalación dun valado contra o fondo, para evitar o risco de caídas polo terraplén, que ten unha altura considerable, ao estar a terra branda e esvaradiza.

E, por suposto, despois desta actuación, o que verdadeiramente cómpre é que a Comunidade de Montes non se desentenda novamente da zona e se ocupe de facerlle un mínimo mantemento de forma periódica para evitar que volva converterse nun boscal. Mentres tanto, no parque arborado aínda arrecende a herba recén cortada; hai moitos cañotos de silveiras que dificultan un pouco o paseo e cómpre camiñar con coidado, pero así como comece a medrar algo de herba, converterase nun lugar óptimo e agradable para o encontro e o disfrute.

…A disfrutalo pois, mentres dure!

A esta boa nova cómpre engadir tamén que o vial que enlaza a estrada de Figueirido con Arealonga, Casal e Laxe, no que semanas atrás se realizaran tarefas de limpeza viaria, aínda que parcialmente, someteuse hai xa uns días a unha segunda actuación que, agora si, deixou a estrada en mellores condicións.


Responses

  1. […] Artigo de agosto de 2012: Desbroce da área de lecer […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: