Publicado por: MontePituco | 23/08/2012

O PXOM DE MARÍN E O ‘PXOM’ DO PORTO DE MARÍN

As cámaras de fotos xa teñen os flashes preparados para chiscar intensamente no encontro que se vai celebrar mañá, venres 24 de agosto, na Consellería de Medio Ambiente, Territorio e Infraestruturas, en Santiago. A alcaldesa María Ramallo poderá erguerse o sábado moi contenta e impaciente por abrir as páxinas da prensa local, que recollerán amplamente a súa visita ao conselleiro Agustín Hernández e á secretaria xeral de Ordenación do Territorio, Encarnación Rivas, para entregarlles o texto refundido do Plan Xeral de Ordenación Municipal de Marín.

Ese texto refundido que se parece ao documento que lle foi exposto á veciñanza tanto como un ovo á unha castaña. Ese texto refundido que condena o Monte Pituco a converterse nun pegote de cemento e formigón, nun adefesio urbanístico en plena fachada da ría cun impacto paisaxístico incomensurable e irreversible.

…Logo virán os partidos da oposición a queixarse, como aconteceu o pasado mes de marzo [ver artigo titulado “Aberración no PXOM“], polo rédito propagandístico-electoral que o PP de Marín lle vai quitar a esa escenificación política. Porque é do que se trata: colgar a medalla, o de menos é que o PXOM lle vaia facilitar a vida e a habitabilidade aos veciños e veciñas interesados en ampliar a súa vivenda ou en facer unha edificación.

E mentres Marín vai dando pasos para dotarse defintivamente do seu planeamento, tamén a Autoridade Portuaria avanza para aprobar o seu “PXOM” particular, o Plan Especial do Porto. Ocasión que, en DEFENDE O MONTE PITUCO, aproveitamos por enésima vez para lembrarlle á cidadanía e ao propio Concello que xa no ano 2000 a Autoridade Portuaria rexeitou a posibilidade de optar polo Monte Pituco para ampliar a súa superficie industrial como plataforma loxística, polas razóns que o Goberno local, o anterior e o actual, se negan a asimilar: o desnivel do terreo.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: