As beirarrúas de San Xulián están a punto de caramelo. Rematados os traballos de enlousado, as obras estanse completando coa instalación de barandillas e de farolas. Xa pouco queda para inaugurar esta nova e agardada actuación, para a que se destinaron un bo feixe de miles de euros que, á vista dos resultados, parecen ben investidos.
Con estas beirarrúas novas do trinque máis os complementos de mobiliario urbán que lle están engadindo, o que ata agora era unha estrada máis, estase convertendo en toda unha avenida. Ata parece unha parroquia do século XXI e todo…
Só queda que os usuarios da zona non abusen da nova distribución do vial e estacionen os vehículos só na parte que vai quedar reservada para aparcamento, non a ambos lados da rúa, como parece que están a facer.
DEFENDE O MONTE PITUCO (Pornedo) 
Gracias XAN ala en donde esteas.
By: esther on 18/07/2012
at 18:26
Como lle queiran dar un nome á “avenida” que vai quedar, abofé que o de Xan sería un acerto.
By: MontePituco on 18/07/2012
at 21:11
“Avenida de Xan Montenegro”
Paréceme que xa se podería empezar a recadar firmas para solicitalo no concello.
By: pasaba por aquí on 21/07/2012
at 08:43
Sería unha moi boa iniciativa.
En canto aos traballos, xa falta menos para que todo quede listo. Están rematando de poñer as barandillas e de instalar as farolas. Logo só quedaría reasfaltar. Calculan que se inaugure o mes que vén.
By: MontePituco on 21/07/2012
at 11:22