Publicado por: MontePituco | 15/06/2012

CONCELLOS POLA RECUPERACIÓN DO PATRIMONIO ARQUEOLÓXICO

Mañá publícase na edición de Pontevedra do diario La Voz de Galicia un artigo sobre o patrimonio arqueolóxico dos Sete Camiños, ese proxecto de creación dun Espazo Natural e Arqueolóxico que conta co apoio dunha vintena de colectivos sociais, culturais e ambientais. 

Lamentablemente, o anterior goberno bipartito do Concello de Marín, tan aparentemente progresista e procultural e proambiental, negouse rotundamente xa non a apoiar a iniciativa, senón mesmo a coñecela oficialmente. Malia as numerosas peticións de entrevista que se tramitaron para concertar unha reunión con responsables municipais, nin BNG nin PSOE de Marín se dignaron sequera en contestar as solicitudes, dando a calada e o desdén por resposta. Naturalmente, os plans do bipartito eran -e son- radicalmente diferentes: converter parte da zona pola que discorrería o roteiro, no ámbito territorial marinense, nun macropolígono industrial, en plena fachada da ría, afectando de forma irreversible os arredores destes xacementos, e estragando o contorno natural -catalogado como Espazo Natural Protexido no ámbito dos Montes do Morrazo-, nunha agresión sen precedentes.

Mentres en Marín se limitan a conservar -a duras penas- o castro da Subidá recén e felizmente rehabilitado, e os archicoñecidos petroglifos de Mogor, descóidanse e discrimínanse de forma deliberada e irresponsable outros gravados rupestres como os do Alto do Pornedo, que sobreviven milagrosamente ao paso do tempo, moi a pesar do tránsito de vehículos motorizados pola zona -que se intenta erradicar, non con pouco esforzo- e da maleza que os rodea.

Ogallá o Concello de Marín aspirara a seguir o exemplo doutros concellos nos que a posta en valor do patrimonio arqueolóxico e natural se considera un puntal estratéxico da acción de goberno, como motor xerador de riqueza, dinamismo social e económico, e emprego. Eis o Concello de Pontevedra que, de aquí a catro anos, vai desenvolver un plan para recuperar os bens culturais existentes nas parroquias.

Solo en lo que se refiere a arte rupestre al aire libre, se calcula que en el entorno de la capital provincial –desde Cotobade a A Lama, pasando por Campo Lameiro, Marín, Pontecaldelas, Barro o Poio– alberga aproximadamente el 60% de los vestigios que se conservan en toda la Península Ibérica.

Bará explicó que se han localizado vestigios inéditos en parroquias como Mourente, Salcedo, Campañó o Lourizán, y que entre los hallazgos hay petroglifos, mámoas, e incluso lo que pueden ser los restos de una torre defensiva medieval, localizados en la ladera del Monte Castrove.

Bará destacó que esta insólita cascada de avisos de hallazgos “revela un cambio de actitude da sociedade en relación ao patrimonio cultural. Ata hai ben pouco se pensaba que este tipo de cousas soamentes lles interesaban aos expertos, agora, xa existe unha implicación de moita máis xente”.

Bará indicou a súa intención de implicar a toda a poboación “para o coidado e goce” e desterrar a idea de que o patrimonio é cousa de expertos. Deste xeito, plan de patrimonio cultural das parroquias estrutúrase en: desenvolvemento de plans e programas integrais, catalogación e protección, difusión e sensibilización, e aproveitamento socioeconómico. Falou tamén de ampliar o catálogo arqueolóxico no que figuran 85 achádegos, e está convencido de que “hai moitos máis”.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: