Publicado por: MontePituco | 04/06/2012

AS BEIRARRÚAS, NA RECTA FINAL

Hai un par de meses, unha lectora do blog DEFENDE O MONTE PITUCO deixou un comentario nun artigo que titulamos “As beirarrúas de San Xulián toman forma“. Referíase á mensaxe que unha veciña de Marín lle transmitiu ao Concello de Marín e á alcaldesa a través dunha rede social:

“Quería preguntar como pode ser que unhas beirarrúas de nova construcción (as de San Xulián) poidan ter barreiras arquitectónicas e así vulnerar a normativa de accesibilidade para persoas con discapacidade. Se visitan as obras poderán observar que entre tramo e tramo de acera non existe unha rampa de baixada/subida; directamente as persoas que viaxen en cadeira de rodas teñen que facer malabares. A Lei 49/2007, no seu artigo 2, establece que se considerará unha infracción administrativa a vulneración do dereito de igualdad de oportunidades, non descriminacion E ACCESIBILIDADE. O Decreto 35/2000, de 28 de xaneiro, polo que se aproba o Regulamento de desenvolvemento e execución da Lei de accesibilidade e supresión de barreiras na Comunidade Autónoma de Galicia tamén regula esta cuestión. Penso que o deber do goberno municipal é esixir que nestas beirarrúas se retiren as barreiras arquitectónicas e así todos os veciños provistos de cadeira de rodas, que son varios, poidan pasear polas rúas de San Xulián sen ter que facer perigar o seu paseo”.

Como veciños desta parroquia, en DEFENDE O MONTE PITUCO vimos facéndolle un seguemento periódico á evolución das obras. As fotos que acompañan este artigo corresponden a esta pasada semana. Nelas pódese observar que, efectivamente, as beirarrúas dispoñen de rebaixes antideslizantes para facilitar a subida e baixada das cadeiras de rodas; así como unha textura e cor diferente no pavimento desas zonas rebaixadas, para facilitar o acceso das persoas con discapacidade visual. O que habería que comprobar é se a altura deses rebaixes non sobrepasa as medidas establecidas no decreto; porque de nada serviría dotar as beirarrúas dunha plataforma de acceso para cadeiras de rodas, se con respecto ao nivel do asfalto hai unha diferenza inasequible para que as persoas con mobilidade reducida poidan subir e baixar con comodidade.

[Preme na imaxe para ampliar]

…Para non pór a venda antes da ferida, quizais sexa oportuno deixar que as obras sigan progresando algo máis. E ir comprobando se o proxecto tamén contempla o asfaltado total ou parcial da estrada ou, en caso negativo, a aplicación de aglomerado adicional alí onde se dispuxeron os rebaixes para salvar o desnivel excesivo entre a beirarrúa e a plataforma viaria. Segundo as previsións da Deputación de Pontevedra, sería a finais deste mes de xuño cando rematarían os traballos, despois de tantos anos de espera por unha infraestrutura que se resistía a facerse realidade.

[Preme “Ler máis” para visualizar o resto das fotografías]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: