DEFENDE O MONTE PITUCO (Pornedo)

Que mágoa e, sobre todo, que decepción, que estes colchóns sigan tirados na pista do Pornedo a golpe de xoves, tres días despois de ter avisado o Concello -o pasado luns- desta agresión ambiental e de solicitarlle á Administración local a súa retirada. Confiabamos nunha actuación eficaz para evitar que outros desalmados volvan botar máis lixo neste espazo, “aproveitando” a presenza destes residuos voluminosos.

Ogallá a brigada municipal a instancias das Concellerías de Medio Ambiente ou de Medio Rural, saque de aquí este material antes do fin de semana. En caso contrario, será oportuno que DEFENDE O MONTE PITUCO lle notifique esta lamentable incidencia ao Seprona para que se tomen outras medidas, á marxe das consecuencias que poida supoñer para a Comunidade de Montes e o Concello de Marín.