Publicado por: MontePituco | 18/03/2012

SEGUE A LACRA DO MALTRATO ANIMAL

O que pretende ser un agradable paseo polo Monte Pornedo, que ten moitos e bos motivos para gozar da paisaxe e da natureza, pode acabar converténdose nunha impresión desagradable por culpa DALGÚNS -e remarquemos “dalgúns” para que non se incomode o colectivo en xeral- propietarios de cabalos ceibes. A presenza dos equinos no monte ten pros e contras: entre as desvantaxes, que roen os brotes das repoboacións forestais, que poden chegar ás fincas particulares na procura de alimento, e que se chegan á estrada son un risco para a seguridade vial; pero tamén hai factores positivos, uns culturais polo que significa o mantemento dunha tradición agrogandeira que por desgraza está en retroceso, e outros máis prácticos como a súa contribución espontánea na reducción da maleza e, por que non, o aboado natural do terreo.

Pero hai propietarios de cabalos que ABUSAN dun xeito inxustificable e intolerable duns animais indefensos. Nun afán que se podería considerar enfermizo por controlar a mobilidade dos animais, instálanlles artiluxios nas patas para dificultar que se alonxen da zona onde os teñen máis ou menos localizados. Trancas ou pexas de madeira nunha das patas, ou aínda peor, cadeas recubertas dun pedazo de mangueira de plástico ou cordas grosas coas que atan as DÚAS pezuñas dianteiras.

Desta maneira é imposible que un cabalo poida valerse se un depredador lle ataca. Non pode saír ao galope, nin sequera avanzar a paso normal. O máis que lle permite esa atadura infame é desprazarse dando pequenos chimpos. Perigosos saltos que, nunha zona en pendente como o Alto do Pornedo, pode acarrear unha mala caída de consecuencias nefastas para o pobre animal, mentres o seu “dono” está comodamente na súa casa, ao quente. E o cabalo que se busque a vida, que se zafe. Que total, como non se lle pode identificar, non pasa nada.

Ogallá o Seprona poida investigar e dar cos responsables deste e doutros casos semellantes de MALTRATO, para que se vaia erradicando esta práctica, para que se poida regular a presenza de gando mostrenco nos montes dunha forma satisfactoria para os propietarios e tamén para os propios animais.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: