Publicado por: MontePituco | 05/03/2012

‘COMO DICIAMOS ONTE…’

Pasou entre barrotes os cinco anos que durou o proceso que abriu contra el a Inquisición e, tras ser finalmente absolto, volveu á súa cátedra na Universidade de Salamanca. Din que naquela primeira clase, tras un lustro de ausencia forzada, Frai Luis de León dirixiuse aos seus alumnos cunha frase que hoxe invocamos: “Como diciamos onte…”

Non foron cinco anos, senón sete días, os que o blog Defende o Monte Pituco permaneceu aletargado. Podiamos estar tomando chiquitas na taberna e invitando a media parroquia para convencer a veciñanza das múltiples bondades que traería a construcción dun polígono industrial no Monte Pornedo, nos Sete Camiños ou na copa dun pino. Podiamos estar conspirando polos camiños máis recónditos ou aplaudíndolle ao PSOE polas súas extravagantes ocorrencias como fan outros que antano lle aplaudían ao PP e lle tendían a alfombra vermella despois de cada pleno. A través das redes sociais e agochados impunemente detrás dunha identidade ficticia, podiamos estar verquendo unha noxenta campaña difamatoria e de desprestixio persoal e profesional coma a que aturou quen teclea estas modestas liñas…

…Pero non bebemos en horas de servizo, nin somos uns revirachaquetas, nin tampouco uns cobardes. Se esta semana estivemos ausentes -coma aquel humanista, escritor e profesor agustiño do século XVI- foi porque estivemos traballando arreo para entregar hoxe, no derradeiro día do prazo oficial, as alegacións de Defende o Monte Pituco ao Plan Sectorial de Ordenación de Áreas Empresariais en contra do proxecto de instalación da Plataforma Loxística Marín-Pontevedra, xustificando os motivos técnicos, urbanísticos, medioambientais, patrimoniais e sociais polos cales esta proposta inviable se debería retirar do Plan Sectorial.

O Concello de Marín tamén presentou as súas alegacións a este Plan Sectorial, pero xusto no sentido contrario: para demandar que se incrementara a nota coa que foi avaliado. Sen embargo, o informe técnico que lle elaborou ao Goberno local o equipo redactor do PXOM, á parte de intentar coar algunha que outra mentira, só conseguiu exprimir un punto máis dos 72 que marcaba o estudo de viabilidade inicial. Para esta viaxe non facían falta tantas alforxas.

Grazas aos colectivos que se adheriron ás alegacións a prol da conservación do Monte Pornedo e da súa contorna: Asociación de Veciños de San Xulián, Grupo Cultural Ronsel, Asociación Cultural Almuinha, Plataforma en Defensa dos Montes do Morrazo, Comunidade de Montes de Lourizán, Plataforma en Defensa da Praza dos Praceres…

Mal que lles pese á Comunidade de (des)Montes de San Xulián e á Asociación Virxe dos Remedios (que malia a súa advocación relixiosa é do máis anticlerical e recalcitrante do habido e por haber) cos seus respectivos acólitos, seguiremos IN-FOR-MAN-DO.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: