Publicado por: MontePituco | 21/02/2012

XORNADA SOBRE ENERXÍA EÓLICA

A Plataforma Montes do Morrazo integra a varios colectivos veciñais, ambientais e deportivos na defensa desta zona contra a instalación dun parque eólico no contorno de Pedras Negras. Nesta reportaxe emitida en Vía TV, dous representantes da Plataforma Montes do Morrazo detallan os perxuízos que tería esta infraestrutura, reivindican que este espazo natural se integre na Rede Natura, e critican que a Xunta “pon á venda” o territorio galego para que as grandes empresas, “independentemente da protección legal, sigan tirando beneficios a costa do medio ambiente”.

Por outra banda, a Plataforma pola Defensa da Serra do Galiñeiro convoca para este sábado 25 de febreiro unha XORNADA DE ESTUDO E REFLEXIÓN SOBRE A ENERXÍA EÓLICA. O encontro celebrarase no Auditorio Municipal do Areal (Antigo Reitorado), na Rúa Areal nº 46, en Vigo. De 17:00 a 20:00 horas desenvolveranse unha serie de palestras para pasar posteriormente, de 20:00 a 21:00 horas, a unha mesa redonda.

Varios expertos exporán os beneficios económicos da enerxía eólica, analizarán a avaliación do impacto ambiental desta enerxía, e falarán da evolución da implantación da enerxía eólica en Galicia. Farase unha comparativa entre a situación en Galicia e o caso da Comunidade Valenciana. Durante a mesa redonda confrontarase a explotación eólica por empresas multinacionais coa explotación da enerxía eólica como enerxía alternativa, fronte aos combustibles actuais non renovables.

-1ª charla: EMILIO MENÉNDEZ. Universidade Autónoma e Politécnica de Madrid. – ENERXÍA EÖLICA EAVALIACIÓN DE IMPACTO AMBIENTAL.

-2ª charla: DAMIÁN COPENA. Grupo de Investigación en Economía Ecolóxica e Agroecoloxía (GIEEA) da Universidade de Vigo – A ECONOMÍA DA ENERXÍA EÓLICA E SOBRE A GUÍA PARA PROPIETARIOS DE TERREOS AFECTADOS POR PARQUES EÓLICOS.

-3ª charla: XOSÉ VEIRAS. Verdegaia – A IMPLANTACIÓN DA ENERXÍA EÓLICA EN GALICIA.

-4ª charla: MARIANO TOMÁS. Activista do movemento “Contra parques eólicos de Valencia” – A LOITA VALENCIANA CONTRA PROXECTOS DE ENERXÍA EÓLICA.

-5ª charla: IVÁN NOVOA. Técnico instalador de enerxías renovables –EÓLICOS DE PEQUENA POTENCIA E USOS COMPLEMENTARIOS DOS RECURSOS ENERXÉTICOS.

-6ª charla: PAULA VIDAL. Amigos da Terra – A EXPERIENCIA DO CENTRO DE EDUCACIÓN AMBIENTAL “AS CORCERIZAS”

A Plataforma pola Protección da Serra do Galiñeiro está formada polas seguintes organizacións: ADEGA, A Ría Non de Vende, AGA (Asoc. Galega Apicultura), Amigos da Terra, Asoc. A Groba, Asoc. Berra Val Miñor, Asoc. Festa da Prehistoria, Asoc. Mundo Minero, Asoc. Pena Cabalaria, Asoc. Pedraghullo, Asoc. Permacultura Eiras do Miño, Asoc.Trece Catorce, A.A.V.V. Casco Vello de Vigo, A.A.V.V. de Chenlo, A.A.V.V. de Valadares, A.A.V.V. de Vincios, C.C. As Pedriñas,C.M.V.M.C. de Couso, C.M.V.M.C. de Chaín, C.M.V.M.C. de Valadares, C.M.V.M.C. de Vincios, C.M.V.M.C. de Zamáns, Club Escalada Montaña Azimut, Clube Espeleolóxico Mauxo, Club Montañeiros Celtas, Clube Peña Trevinca M.G., Clube de Montaña Xistra, C.S. A Faisca, C.S. A Revolta, Federación A.A.V.V. Eduardo Chao-Vigo, Federación Galega Montañismo, IEM (Instituto de Estudos Miñoranos), Outrovigoéposible, Plataforma Defensa da Ría Cíes, Salvemos Monteferro, SOS Groba, Verdegaia.

(PROGRAMA EN PDF)


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: