Publicado por: MontePituco | 30/11/2011

SOBRE CULTURA CASTREXA E O CASTRO DA SUBIDÁ

A Asociación Cultural Almuinha organiza o próximo venres 2 de decembro unha charla sobre “Cultura castrexa e romanización”. O ponente será André Pena Granha, doutor en Arqueoloxía e Historia Antiga pola Universidade de Santiago, que traballa como historiador, arqueólogo e arquiveiro no Concello de Narón. A sesión celebrarase a partir das 20:30horas na Biblioteca de Marín.

De André Penha (Ferrol, 1955) destaca o seu enorme prestixio profesional, a cantidade de conferencias impartidas e de obras da súa autoría que foron publicadas, ademais da súa valiosa erudición sobre a cultura atlántica, que vencella os antigos poboadores de Galicia cos demais pobos do litoral occidental europeo. É un dos promotores do Instituto Galego de Estudos Célticos IGEC, unha sociedade científica que dende 2009 realiza traballos de investigación multidisciplinar no eido dos estudos célticos a nivel galego, do norte Portugal e da Europa Atlántica. O IGEC  tamén actúa como asesor e consultor en materia de educación, promoción turística e xstión do patrimonio.

Ao día seguinte, sábado 3, organizarase unha visita guiada ao Castro da Subidá, na que vai participar o arqueólogo marinense Álvaro Arizaga. A saída está prevista ás 11:00 horas dende a Alameda. Álvaro Arizaga é profesor e co-autor do libro “Petroglifos e outras prehistorias”, editado en 2007 polo Concello de Marín, no que se fai un estudo detallado sobre o patrimonio rupestre da vila.

Estas actividades que organiza Almuinha coinciden con senllos debates sobre a posta en valor dos bens culturais marinenses: por unha banda, o importante desembolso económico realizado na recuperación do Castro da Subidá, ao que se engade o investimento, non menos considerable, realizado para a construcción do centro de interpretación dos petroglifos de Mogor. Neste caso, remataron as obras, mais o recinto permanece pechado e carece de proxecto museístico.

Mentres, existen outros elementos tan respectables aos que non se lles presta ningunha atención. É o caso dos elementos arqueolóxicos inscritos no ámbito do proxecto de creación do Espazo Natural e Arqueolóxico dos Sete Camiños. Aínda estando catalogados, aínda existindo para eles unha proposta para a súa recuperación e posta en valor, a comisión técnica dos Sete Camiños leva semanas agardando a resposta da concelleira de Cultura de Marín á petición de entrevista formulada por este colectivo para expoñerlle as necesidades destes conxuntos rupestres que, cun tratamento perfectamente asumible dende o punto de vista financeiro, pódense converter nun polo de atracción de visitantes polo seu indubidable interese histórico e cultural.

 

 


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: