Publicado por: MontePituco | 13/10/2011

XORNADAS SOBRE XESTIÓN DO MONTE VECIÑAL NA SERRA DO GALIÑEIRO

O movemento social Pola protección da serra do Galiñeiro organiza os vindeiros días 28, 29 e 30 de outubro unhas xornadas tituladas “Aproveitamento multifuncional dos Montes Veciñais” que terán lugar no Centro Cultural de Vincios (Gondomar). A serra do Galiñeiro, lugar senlleiro e de gran significado nas bisbarras do Val Miñor, Vigo, A Louriña, O Baixo Miño e o Morrazo, acolle novamente unha actividade social aberta ao público, a técnicos forestais e a comunidades de montes.

PROGRAMA DAS XORNADAS:

* Venres 28, 16.30 horas: Visita guiada polos montes veciñais de Vincios-Gondomar

Lugar de reunión: Centro Cultural de Vincios

* Sábado 29, 18.00 horas:

Lugar: Salón de actos do Centro Cultural de Vincios

-“Experiencias produtivas innovadoras nos montes comunais”, por Xavier Simón, profesor de Economía Ecolóxica na Universidade de Vigo.

-“Abellas e biodiversidade”, por Xesús Asorey, secretario da AGA, Asociación Galega de Apicultura.

-“O man común. Outro xeito posible”, por Santiago González, secretario da Comunidade de Montes de Mouriscados (Mondariz)

-Mesa redonda: “Por unha xestión sostible dos nosos montes”, coa participación do público en xeral, técnicos e Comunidades de Montes Veciñais.

* Domingo 30, 10:30 horas:

Clausura a cargo do Presidente da Organización Galega de Comunidades de Montes, Xosé Alfredo Pereira

Visita guiada polos montes veciñais de Couso-Gondomar

Lugar de reunión: Centro Cultural de Vincios

TELÉFONOS DE CONTACTO:

Xosé Manuel Docampo: 665 10 60 32

Oficina da Comunidade de Montes de Vincios: 986 46 96 92 de luns a venres de 9 a 14 horas e de 16 a 19 horas.

A plataforma “Pola protección da serra do Galiñeiro” sostén que o esforzo dedicado nos últimos decenios á explotación do monte unicamente para a obtención de madeiras de rápido crecemento causou o empobrecemento dos solos e unha perda alarmante da súa diversidade biolóxica. Considera que é imprescindible que haxa iniciativas que tendan á recuperación ambiental e á posta en valor dende unha diversificación da produción.

No seu ánimo por difundir os valores naturais, culturais, sociais e económicos da serra do Galiñeiro, as visitas guiadas dos días 28 e 30 son unha oportunidade para amosar os diversos traballos que, neste eido, se están a desenvolver neste espazo; e o día 29 asistirase á presentación de tres ponencias e a unha mesa redonda para coñecer outro modelo de xestión dos montes.

MÁIS INFORMACIÓN NA WEB DO INSTITUTO DE ESTUDOS MIÑORANOS.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: