Publicado por: MontePituco | 01/09/2011

LOUZÁN EN MARÍN, SOBRE AS BEIRARRÚAS DE SAN XULIÁN

O presidente da Deputación, Rafael Louzán, realizou hoxe a súa primeira visita oficial ao Concello dende a chegada de María Ramallo á alcaldía. Dende o cambio na titularidade do Goberno local, non era a primeira vez que Louzán viña a Marín, posto que o mes pasado xa visitou as obras de mellora que se están a realizar na estrada entre Cruz da Maceira e o Lago de Castiñeiras, con cargo ás arcas provinciais. Á marxe do máis ou menos asidua que fora a súa presenza en Marín durante o anterior mandato; independentemente de que tardara o tempo que fora en facer a visita de rigor no anterior mandato, a presenza de Louzán serviu para facer un agardado anuncio, que ogallá se cumpra:

DESBLOQUEADO O PROXECTO PARA A MELLORA E A CONSTRUCCIÓN DAS BEIRARRÚAS EN SAN XULIÁN

A continuación, un fragmento da nota informativa da Deputación de Pontevedra.

“A Deputación Provincial de Pontevedra e o Concello de Marín desbloquearon hoxe de forma definitiva as dificultades existentes para executar a obra de mellora e construción de beirarrúas en San Xulián. Segundo informou o presidente da Deputación, Rafael Louzán, ESTÁ PENDENTE UNHA ÚLTIMA REUNIÓN COS VECIÑOS AFECTADOS, non obstante, tecnicamente, a empresa adxudicataria, Sercoysa, pode comezar a traballar nesta estrada a partir do LUNS 12 DE SETEMBRO. As obras ascenden a 800.000 euros.

Estas declaracións de Rafael Louzán foron realizadas hoxe tras manter unha xuntanza de traballo no Concello de Marín coa alcaldesa, María Ramallo, e outros responsables municipais, así como coa deputada provincial, Begoña Estévez. Ao remate da mesma, Rafael Louzán anunciou que a Deputación iniciará neste mes de setembro tres importantes actuacións en Marín por un orzamento superior a un millón de euros.

Así, ademais das beirarrúas de San Xulián, nas que se invisten 800.000 euros, a Deputación tamén acometerá este mes a obra de mellora e pavimentación do camiño de Cernello en San Tomé, no que se investirán 200.000 euros; e finalmente, e en atención ás demandas da alcaldesa, a Deputación tamén investirá 110.000 euros en diversos proxectos de mellora en camiños do rural desta vila”.

…Ata aí o máis salientable. Á parte, Louzán presentou un Plan 2011-2013 para a mellora de infraestruturas deportivas, que incluirá a dotación de alumeado, vestiarios novos e, previsiblemente, a construcción dunha nova grada no campo de fútbol de San Pedro. O presidente da Deputación seica dixo que “tanto os vestiarios como a grada do San Pedro están nun estado lamentable e precisan dunha urxente actuación”, e que “cando a Deputación dotou a este campo de herba artificial xa advertira de que consideraba un error que non se acometeran estas melloras pero, nestes intres, non contamos coa colaboración do anterior goberno local”. Aí quedan as declaracións para a polémica de turno.

Está prevista ademais a instalación dun campo de terra batida en Seixo. E pola súa parte, María Ramallo agradeceulle a Louzán “a receptividade para executar todas estas obras” e destacou que un municipio de 26.000 habitantes como Marín “precisa de todo”, polo que sen a achega económica do organismo provincial “non poderíamos ter posto en marcha todas estas actuacións”.

…Xan Montenegro alegraríase moito de ler esta noticia. Seguro que dende algún lugar do éter está buscando conexión a Internet para expresar cunhas palabras a súa satisfacción, despois de tanto insistir na realización dunhas obras que xa parecían inalcanzables, inmaterializables e pouco menos que imposibles. Pola volta do 12 de setembro estaremos cámara en ristre para comprobar se se cumpren os prazos.


Responses

  1. no soy Xan Montenegro,pero quiero darles la enhorabuena por la aprobación de este proyecto,un saudo

    • Moitas grazas, María Rosa. Benvida ao blog e benvidas as súas amables palabras.


Deixa unha resposta a MontePituco Cancelar a resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: