Publicado por: MontePituco | 24/02/2011

O CASO DE PILAR GARCÍA

Comunicado da Asociación de Veciños de San Xulián, en apoio de Pilar García Iglesias, afectada por unha sentenza que obrida á demolición parcial dunhas obras realizadas na súa vivenda:

A AA.VV. San Xulián, ante a vergonzosa imaxe pública que está ofrecendo o Concello de Marín con motivo da entrada e demolición dunha parte da casa da veciña Pilar Garcia Iglesias, natural da nosa parroquia, lamenta e critica o duro proceder das autoridades deste Concello.

Esta AA.VV. reitérase no deber das autoridades de cumplir e facer cumplir as leis urbanísticas, medioambientais e de defensa do patrimonio e do legado histórico, tratando todos os casos baixo o principio da igualdade e do respecto escrupuloso dos dereitos dos cidadáns recollidos na Constitución. Cousa que o Concello e outras Administracions non fan, pois se nalgo destacan o alcalde, Francisco Veiga, e o seu concelleiro de Urbanismo, Xosé María Vilaboa, é en facer unha constante deixación de funcións e utilizar o urbanismo para pagar e recibir favores: encargando informes técnicos privados como se de traxes a medida se tratara, algúns deles fundamentados na falsidade como norma. Sendo un “destes exemplares informes” cos que lavan a cara “da súa legalidade” a pista de tenis feita sobre unha rúa do Plan Especial de Equipamentos e Infraestruturas da Raña, e outras obras do Plan ZP.

Por tanto, pretender presentarse como salvagardas da legalidade e do cumprimento das resolucións xudiciais é propio de canallas e caraduras. É hora xa de que se clarifiquen, expliquen e investiguen os presuntos chanchullos que fan o Xosé María Vilaboa e Pilar Blanco (Medio Ambiente) nas oficinas de urbanismo, que teñen un gasto de luz de 500€ ao mes .

O problema é que o raposo está gardando as galiñas e os expedentes nas oficinas de urbanismo de Marín. A AA.VV. San Xulián mostra a súa solidariedade e compresión con esta veciña, pois independentemente de sentencias, dos seus acertos ou erros, vemos que a legalidade, a xustiza e a contundencia no cumprimento da lei non é igual para os ricos que para os pobres.

Demandamos do Ministerio Fiscal que actúe e abra unha investigacion de oficio e salvagarde os dereitos constitucionais se foron pisoteados.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: