Publicado por: MontePituco | 20/02/2011

VIÑETA DE XAQUÍN MARÍN: O LIXO

…Tantas veces denunciamos a existencia de verquidos ilegais no monte. Tantas veces criticamos e lle afeamos a conduta ás persoas que ousan emporcallar co seu lixo particular o monte común de todos. Vaia esta viñeta retranqueira do mestre Xaquín Marín para sacarlle os colores a esa caste de xente inimiga do medio ambiente, alérxica ao civismo e carente de educación.

Esta semana mantivemos un breve encontro co presidente da Comunidade de Montes de San Xulián, Francisco Casal, ao que lle entregamos un documento -ilustrado con imaxes actuais- que detalla boa parte das deficiencias que presenta o Monte Pituco (Pornedo): os desperfectos nas pistas e nos camiños, especialmente na zona da “área recreativa”; o abandono de animais e a presenza de cabalos maltratados con trancas e pexas nas súas extremidades; as pintadas que deterioran a imaxe deste espazo natural; o pésimo estado de conservación no que se atopan a área de descanso a carón da estrada de Figueirido e no propio Pornedo; a impunidade coa que os pilotos de motos e quads irrompen no monte e degradan o terreo cos seus vehículos; a proliferación de verquidos incontrolados a base de cascallos de obra, mobles vellos, neumáticos e ferralla…

Criticamos a inacción da Comunidade de Montes de San Xulián, acaso coa intención de contribuir así a un maior deterioro do monte que derive no que veladamente pretenden: entregalo en bandexa -e cobrar por elo- para que o Concello de Marín instale un polígono industrial a pesar de todos os inconvintes expostos por DEFENDE O MONTE PITUCO. Mais é a Comunidade de Montes a que ten as competencias para actuar, por iso lle pedimos por escrito unha xuntanza para expoñer as nosas propostas de actuación pola mellora deste contorno.

…Criticamos, pero tamén propoñemos: investimentos e medios para mellorar os accesos e as vías que comunican o monte; vixiancia e colaboración coas autoridades competentes para combater as agresións contra a fauna, a flora e o patrimonio natural do monte e velar pola súa protección; instalación de carteis que prohiban a circulación de vehículos a motor en zonas sensibles; limpeza, acondicionamento e sinalización dos lugares con presenza de petróglifos catalogados como Bens de Interese Cultural e outros elementos patrimoniais de valor etnográfico…

Entre os posibles acordos iniciais que se plantexaron con Francisco Casal, ao abeiro da vontade de colaboración que amosou no seu día a Concellería de Medio Ambiente de Marín na retirada dos verquidos (ver o artigo titulado”VERQUIDOS ILEGAIS: A RESPOSTA DO CONCELLO“) está o proxecto de organizar unha xornada de traballo conxunta -que o ano pasado por motivos organizativos non se deu levado a cabo- coa participación de xente sensible co monte e co medio ambiente, sexan veciños da zona ou non, para retirar entre todos eses montes de lixo contaminante e antiestético que nos dan vergoña allea. Por algo se empeza. Ogallá, coma na película, este fora o comezo dunha bonita e estreita colaboración.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: