Publicado por: MontePituco | 02/02/2011

POLA PROTECCIÓN DOS MONTES DO MORRAZO

Se a semana pasada o Colectivo Nacionalista do Morrazo alertaba da agresión ambiental que o Goberno autonómico pretende autorizar nos Montes do Morrazo (ler o artigo “…E AGORA, MUIÑOS EÓLICOS“), agora é a organización ecoloxista Luita Verde a que tamén rexeita a posible instalación dun parque eólico en Pedras Negras. A continuación, o comunicado de Luita Verde.

Luita Verde rexeita o anteproxecto de parque eólico de 42 MW aprobado pola Xunta a nome de Pedras Negras no Morrazo, dentro da Resolución do 20 de decembro de 2010 ao abeiro da Orde do 29 de marzo de 2010, para a asignación de 2325 MW de potencia na modalidade de novos parques eólicos en Galicia.

Pedras Negras está ubicada entre os altos do Monte Faro e do Coto do Home, a máis de 600 metros de altura e dentro do espazo natural dos Montes do Morrazo, protexido como solo rústico de espazos naturais dentro das Normas Subsidiarias e Complementarias de planeamento da provincia de Pontevedra. A zona posúe as máis amplas panorámicas paisaxísticas da comarca cara ás Rías Baixas, especialmente da ría de Vigo e da enseada de San Simón no seu interior, na actualidade integrada como LIC dentro da Rede Natura europea.

Entra dentro da área natural de distribución da comunidade Erica ciliaris-Erica tetralix de queirogais húmidos atlánticos de zonas temperadas, formacións higrófilas protexidas como hábitat natural prioritario pola UE. Ten unha relevante importancia a nivel xeolóxico en formacións graníticas e de fauna e flora silvestre, especialmente de avifauna, anfibios de ámbitos húmidos e réptiles, mamíferos e micromamíferos de monte baixo e matogueira.

Ao seu abeiro e por varias correntes de auga doce, nace o río dos Ladróns, afluente asimesmo do río da Fraga, dos de máis caudal e importancia da comarca, que asemade atravesa o propio espazo protexido e desemboca no intermareal da Xunqueira, nunha zona de alto valor ornitolóxico e marisqueiro da ría de Vigo. Perto e dentro do seu perímetro tamén están nacentes dos ríos Barranco do Faro, da Freixa e Riomaior, estes dous últimos coa desembocadura na enseada de San Simón. Por todo o espazo e arredores vagan cabalos asilvestrados en réxime de gandería extensiva. Hai unha importante produción de biomasa a traveso do mato e polos arredores existen plantacións forestais, especialmente de piñeiro, de gran interese socio-económico.

Nas proximidades está o conxunto megalítico da mámoa de Chan de Arquiña, co seu parque forestal e área de lecer, de gran interese natural, social e cultural, sendo ademáis a mámoa co seu dólmen de entrada en cámara un emblema da arte megalítica na comarca e de gran relevancia a nivel galego, grazas ao seu deseño. Dada a gran existencia de xacementos megalíticos por toda a área, dende Chan de Castiñeira, pasando por Chan de Armada ata Chan de Arquiña, e tendo en conta que aínda están por descubrir máis achádegos, estamos ante unha zona de gran sensibilidade e importancia a nivel arqueolóxico.

Os parques eólicos cos seus muíños de vento, producen unha forte erosión no solo a traveso da construción de pistas de acceso e na zona da ubicación dos propios aeroxeneradores. Unha vez instalados tamén provocan un elevado impacto paisaxístico, debido ás grandes dimensións dos aeroxeneradores, e co seu agrupamento producen contaminación acústica e provocan unha forte mortandade de aves entre as súas aspas. Polo tanto, deben de ser excluídos de espazos naturais protexidos e de alto interese medioambiental polo seu negativo impacto, como no caso de Pedras Negras, onde a instalación dunha vintena de aeroxeneradores provocaría un elevado e irreversible impacto.

A afección medioambiental viría sumarse e interferirse á xa producida polo impacto físico e electromagnético provocado polas antenas de telecomunicacións nos altos do Faro e Coto do Home. Afectaría asimesmo, paisaxísticamente, a toda a contorna da ría de Vigo, uníndose a outro anteproxecto aprobado pola Xunta na serra do Galiñeiro, e viría sumarse aos parques xa instalados nas serras interiores e costeiras a nivel provincial (montes do Faro, Candán, Suído, Barbanza e Xiabre) polo que deixaría unha paisaxe afectada de contínuo por muíños de ferro.

Sobra dicir que Galicia xa é excedente en produción de electricidade, que as zonas con maior potencia eólica xa están cubertas e que o que debe primar agora é o aforro e a autosuficiencia enerxética (unha gran parte da enerxía producida expórtase).

Polo tanto, entendemos que este anteproxecto de parque eólico só ten razón de ser pola avaricia económica dunha empresa multinacional italiana, Enelgren Power España S.L., dentro dun contexto mundializado do sector enerxético, onde prima o negocio por enriba e a costa do medio ambiente, sendo a Administración pública competentente, neste caso a Xunta de Galicia, cómplice dese modelo, facendo unha política continuista dos gobernos anteriores, e o que é máis grave, retrógada no tempo, retrotraéndose a proxectos da década pasada.


Responses

  1. […] POLA PROTECCIÓN DOS MONTES DO MORRAZO […]

  2. […] POLA PROTECCIÓN DOS MONTES DO MORRAZO […]

  3. […] POLA PROTECCIÓN DOS MONTES DO MORRAZO […]

  4. […] de Luita Verde, e Damián Copena, profesor da Universidade de Vigo. As alegacións de Luita Verde: montepituco.wordpress.com/2011/02/02/pola-proteccion-dos-montes-do-mor/ sen comentarios en: Actualidade, Ecoloxía karma: 20 etiquetas: parque, eólico, morrazo, […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: