DEFENDE O MONTE PITUCO (Pornedo)

Xa é a terceira viñeta do mestre Xaquín Marín que adorna o blogue de DEFENDE O MONTE PITUCO (PORNEDO). Publicouna o debuxante no seu perfil en Facebook, onde explica que se trata dunha obra recente, protagonizada polo personaxe de Isolino, e titulada “Crucifixión lúdica”. Comenta un dos seus admiradores:

Isolino saca raíces na terra onde naceu e quere morrer. Reafirmándose ante íl mesmo e o seu país o sentimento de compromiso. Achantado na paisaxe rural onde habita…

Así nós, fincados coas nosas raíces na terra, na memoria e no legado dos nosos antergos. Que nin por catro patacos nin por todo o ouro do mundo estamos dispostos a consentir que o monte desapareza baixo o formigón. Teremos moitos defectos, mais non somos traidores, nin vendidos, nin aproveitados.