Publicado por: MontePituco | 15/07/2010

ROSALÍA: UNHA MÚSICA, UN LIBRO, UN POEMA

Versos que falan da terra, que afondan no íntimo, que berran contra a inxustiza, que enxalzan a tradición. Sóanvos? Velaí a pegada literaria de Rosalía na nosa Historia e a traza rosaliana do noso “adn” galego.

Para este 15 de xullo, no que se cumpre o 125 aniversario do seu pasamento, unha música: a do disco ‘RosalíaXXI’, no que o pianista Abe Rábade, a solista Guadi Galego e o escritor Anxo Angueira lle poñen voz aos textos da poeta, cunha moderna clave de jazz e folk.

…un libro: “Rosalía de Castro, escolma poética”, editado na colección Trece Lúas de Faktoría K, no que a artista Belén Padrón ilustra cada composición.

…e o fragmento dun poema:

     Hai nas ribeiras verdes, hai nas risoñas praias

E nos penedos ásperos do noso inmenso mar,

Fadas de estraño nome, de encantos non sabidos,

Que só con nós comparten seu prácido folgar.

     Hai entre a sombra amante das nosas carballeiras,

E das curtiñs frescas no vívido esprendor,

E no romor das fontes, espritos cariñosos

Que só ós que aquí naceron lles dan falas de amor.

     I hai montañas rosas e nestes nosos ceos,

En canto aquí ten vida, en canto aquí ten ser,

Cores de brilo soave, de transparencia húmida,

De vaguedade incerta, que a nós só da pracer…

     (Rosalía de Castro, de “Follas Novas”, 1880)


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: