Publicado por: MontePituco | 24/06/2010

POLÍGONOS PANTASMA

La comunidad cuenta con 8,1 millones de metros cuadrados útiles de superficie empresarial promovida por la Xunta y 1,9 todavía carecen de comprador, según datos de la Consellería de Medio Ambiente. Se trata del 23,9%.

…Na provincia de Pontevedra son 417.890 mil metros cadrados libres, en 106 polígonos industriais. Segue verquendo ríos de tinta esta problemática, agudizada pola crise. Agora vén de anunciarse que a Xunta encarga un plan de reordenamento das áreas industriais.

Non saímos dela: hai tres meses DEFENDE O MONTE PITUCO presentou ante a Consellería de Medio Ambiente, Territorio e Infraestruturas un informe de “consideracións” para expresar o noso rexeitamento á instalación dunha plataforma loxística ou polígono industrial nesta zona. O proxecto sectorial do Plan de Solo Empresarial de Galicia incluía a área Marín-Pontevedra (e tamén a zona Marín-Moaña) a desenvolver no periodo 2012-2015.

Estamos rodeados de infraestruturas destinadas a este fin: polígono industrial de Fragamoreira en Poio, polígono industrial do Campiño en Pontevedra con ampliación a terreos de Ponte Caldelas, polígono industrial de Barro-Meis impulsado pola Deputación Provincial, polígono industrial de Castiñeiras en Bueu ampliable ao Concello de Cangas, e xa se anunciou a próxima construción dun polígono industrial en Moaña, preto do límite con Marín.

E seguimos facendo causa cos nosos argumentos urbanísticos, topográficos, ambientais, patrimoniais, hidrolóxicos e sociais, para defender a conservación do Monte Pituco e imos deixarlles claro aos responsables da Xunta a todos os niveis posibles -delegación da Xunta en Pontevedra, Consellería de Medio Ambiente, Territorio e Infraestruturas, Instituto Galego de Vivenda e Solo, e Xestur- que AQUÍ non queremos ningún polígono industrial, nin parque empresarial, nin área loxística.

A esta reportaxe no Faro de Vigo precédelle outra semellante o pasado mes de abril en Xornal de Galicia, onde tamén entrevistaban ao secretario xeral da Federación Galega de Parques Empresariais, David Sobral:

“En canto á planificación, debemos implementar a coordinación metropolitana para evitar que os polígonos se creen dun modo atomizado”.

Aseguraba David Sobral que os polígonos que actualmente están sendo máis difíciles de completar son os promovidos na área do Salnés. O problema parece estar no elevado custe do terreo. E facendo “arqueoloxía documental”, atopamos un artigo de marzo de 2007 publicado en La Voz de Galicia no que o presidente da Deputación, o organismo promotor do chan industrial creado en Barro-Meis, se gababa de que os teléfonos do Pazo Provincial botaban fume, tal era a elevada demanda das parcelas.

…Daqueles FUMES, estas CINZAS…

 


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A <span>%d</span> blogueros les gusta esto: