DEFENDE O MONTE PITUCO (Pornedo)

O PP de Marín votou en contra dunha moción -apoiada polo resto da oposición- para que o eucalipto fose declarado especie exótica invasora. Curiosamente, o mesmo partido votou a favor da mesma moción no Concello de Cangas e abstívose en Poio. Pero o voceiro do PP vén co discurso da Xunta, pedindo “consenso” na elaboración dunha normativa transitoria que regule as plantacións de eucalipto, e botando man de certa demagoxia: “Saben que é fonte de ingresos para moitas familias do rural”. Na defensa desta moción, Claudio Quintillán, da Organización Galega de Montes Veciñais en Man Común, advertiu que hai 450.000 hectáreas de eucalipto en territorio galego; e no caso de Marín, o 75% do monte está inzado deste monocultivo.

…Se isto non lles dá que pensar, quen v€NC€ senón €NC€…