Publicado por: MontePituco | 08/01/2015

O CONSELLEIRO DE CULTURA, EN MOGOR. E O PITUCO, CANDO?

Visita do conselleiro de Cultura aos petroglifos de Mogor (Foto, Xunta).

Visita do conselleiro de Cultura aos petroglifos de Mogor (Foto, Xunta).

Visita do conselleiro de Cultura aos petroglifos de Mogor (Foto, Xunta).XVazquez Mogor1

[Fotos, Xunta de Galicia]

O conselleiro de Cultura, Xesús Vázquez, veu a Marín para anunciar que neste 2015 abrirá ao público -non era sen tempo!- o “centro de acollida de visitantes” dos petroglifos de Mogor.

Na construcción deste chabolo e na súa musealización (palabro fino referido aos paneis informativos colgados no interior da sala), nas sondaxes arqueolóxicas (como se os gravados de Mogor non estiveran abondo investigados!) e na posta en valor dos gravados rupestres (xa nos gustaría a outros xacementos recibiran unha décima parte das accións de posta en valor que se fixeron nestes!) investiuse a friolera de 352.615,27 euros.

Sobre as actuacións realizadas recentemente en Mogor, a nota informativa da Xunta explica:

“Os traballos realizados no ano 2014 correspóndense coa execución do proxecto museográfico e o acondicionamento das pasarelas. Nestes pasados meses construíronse, ademais, dúas novas pasarelas de madeira construídas como complemento á edificación do Centro co obxectivo facilitar o acceso ao petróglifo do labirinto e ao petróglifo nº 3. Asemade realizáronse traballos de acondicionamento dos camiños de acceso, e pequenas tarefas de reparación na pasarela xa construída previamente e nas instalacións do centro, en concreto na súa fachada. A intervención completouse co remate da impermeabilización dun dos muros de formigón que conteñen as terras cara á parte alta da ladeira na que se atopa o xacemento”.

Dende DEFENDE O MONTE PITUCO vimos reivindicando reiteradamente que a Administración aposte dunha vez pola recuperación, posta en valor e promoción do patrimonio arqueolóxico existente no Monte Pituco e na súa contorna, partindo da base de que na parroquia de San Xulián concéntrase a maior densidade de gravados rupestres e mámoas catalogados no Concello de Marín.

Entre a falta de interese da Comunidade de Montes, que lava as mans e elude as obrigas que lle corresponden en virtude da aplicación da Lei de Patrimonio; e a actitude do Concello de Marín, que moito bla-bla e pouco bli-bli, nunha clara manobra de dar largas, os xacementos de Pornedo, Sete Camiños, Pinal de Caeiro, Carrasca e Champás empeoran progresivamente o seu estado, estando cada vez máis expostos ás agresións. Fronte a esta precaria situación, favorecida pola DISCRIMINACIÓN INSTITUCIONAL, a asociación DEFENDE O MONTE PITUCO segue traballando a prol da difusión e da visibilización destes bens culturais, cun recoñecemento social cada vez maior.

Presentación do libro "Cartas habidas".

Con ou sen conxunción planetaria, á visita do conselleiro de Cultura sumouse na mesma xornada a presentación, no Museo Manuel Torres, do libro “Cartas habidas 1953-1990)” entre o marinense Antonio Blanco Freijeiro -filólogo, catedrátivo de Arqueoloxía, académico de Historia- e o pontevedrés Isidoro Millán González-Pardo, conde de Quirós, profesor e membro do Instituto Padre Sarmiento de Estudos Galegos, que tamén exerceu o primeiro cargo de Subdirector Xeral de Ensinanza da Lingua Galega no Goberno da Xunta.

Ademais da alcaldesa, María Ramallo, interviron o secretario xeral de Política Lingüística da Xunta, Valentín García, e o editor da obra, Luís Cochón, investigador do Centro Ramón Piñeiro para a Investigación en Humanidades e que, coma Blanco Freijeiro, tamén é marinense.

Este volume reúne 80 cartas que Blanco e Millán cruzaron dende que eran un par de universitarios con inquedanzas intelectuais; unha correspondencia que mantiveron ao longo de tres décadas, aínda cando as súas traxectorias personais e profesionais transcorreron afastadas. Coincidiran nas primeiras excavacións do xacemento arqueolóxico da Lanzada, entre os anos 1950 e 1951, tamén con Filgueira Valverde e Alfredo García Alén. O seu epistolario serviu para intercambiar impresións sobre traballos de investigación, artigos, libros…

En 2016 cumpriranse 25 anos do pasamento de Antonio Blanco Freijeiro, en Madrid. O Concello terá que organizar unhas Xornadas de Historia, Patrimonio e Arqueoloxía á altura desta efemérides para volver reunir no Museo Torres a familiares do investigador marinense, discípulos e veciños interesados no pasado da nosa vila e na nosa cultura.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: