DEFENDE O MONTE PITUCO (Pornedo)

“Abandonan unas 300 ruedas en el entorno del Pituco en un mes“. unha reportaxe de Marcos Gago publicada en La Voz de Galicia, con fotos de Mónica Irago.

O Concello de Marín vén de ordenar a retirada do centenar de rodas que foran abandonadas nunha finca particular, a carón do antigo campo de fútbol do Pituco. Dende que esta agresión ambiental fora denunciada por unha veciña, publicada en DEFENDE O MONTE PITUCO, reiterada a incidencia ante a concelleira de Medio Ambiente, e difundida pola prensa local, os responsables municipais foron dilixentes na recollida dos neumáticos.

Mais parece que esa rapidez e comprensión non atopa réplica no Concello de Pontevedra con respecto aos dous macro-verquidos de rodas lozalizados no monte veciñal de Lourizán: un na pista de servizo da Variante localizado a principios de mes e outro no aparcadoiro do campo de fútbol de Salcedo, do que se deu conta esta mesma semana.

O concelleiro delegado da parroquia de Lourizán di que depende da Concellería de Medio Ambiente. A concelleira de Medio Ambiente di que é cousa do departamento de Disciplina Urbanística. Do Bloque ao Psoe. E o concelleiro de Urbanismo ata hai un par de días, polo menos, non tiña nin idea da existencia deses verquidos.

Por riba, os edís do Bloque entenden que a quen lle corresponde retirar as rodas é á Comunidade de Montes de Lourizán, que en todo caso é unha vítima desta agresión ambiental. Pero culpan desta situación ao PP, que non tiña vela neste enterro, por mudar a Lei de Montes e obrigar os propietarios dos terreos a telos en boas condicións.

E así -de oca a oca e tiro porque me toca- está a situación dos verquidos en Lourizán. Solidariedade, pois, coa Comunidade de Montes Veciña, que non tivo a “sorte” que houbo en Marín ante a colaboración do Concello-