DEFENDE O MONTE PITUCO (Pornedo)

Dende hai uns días pódense ver no valado metálico do colexio de Praceres unhas pancartas instaladas pola Plataforma en Defensa da Praza dos Praceres nas que se rexeitan os plans do Ministerio de Fomento de construir un túnel para o tránsito dos veciños, nun clara manobra para incumprir a sentenza do Tribunal Supremo que ordenou suprimir o ramal ferroviario que atravesa a superficie da praza pública. É o exemplo dun colectivo social que, malia ter a xustiza do seu lado, segue enfrontándose ao poder político/económico e aos seus satélites para  defender unha causa na que cren con toda a firmeza, por moito que afecten aos intereses dunha serie de empresas privadas.

…As mesmas que tamén furaron onde tiñan que furar para chuzar un proxecto de polígono industrial no Monte Pituco, un Espazo Natural Protexido polas Normas Subsidiarias e Provinciais de Planeamento pola súa pertenza aos Montes do Morrazo.