Publicado por: MontePituco | 05/05/2013

PROXECTO DE AMPLIACIÓN DO CORREDOR DO MORRAZO

Faro, 5 de maio de 2013.

A Plataforma en Defensa dos Montes do Morrazo vén de expresar o seu rexeitamento ao proxecto de ampliación do Corredor do Morrazo.

A Plataforma en Defensa dos Montes do Morrazo denuncia en primeiro lugar a falla de resposta oficial, tanto ás alegacións presentadas en setembro do 2012 ao Plan de Mobilidade Viaria do Morrazo como ós comentarios feitos á consulta sobre decisión de avaliación de impacto ambiental da ampliación do corredor presentados en agosto tamén do ano pasado, o que ven indicar unha vez máis a falla de rigor e desa suposta democracia e transparencia da que alardean por parte das administracións públicas, neste caso da Consellería de Medio Ambiente, Territorio e Infraestruturas.

Rexeita a conversión do corredor en autovía polo enorme impacto ambiental e paisaxístico que provocará (por moito que o intenten ocultar) e considera un considerable gasto económico na situación en que estamos para unha infraestrutura que ademais non vai solucionar os problemas para os que na teoría nos din que está proxectada.

Consideramos pouco serio que se faga a trozos e é ilóxico que en 3,25 kilómetros desde Rande remate na rotonda de Domaio, aviada a unha máis que segura infrautilización como pasou na realidade durante anos coa variante de Marín cunha construcción parcial con saída en pleno monte que a poboación apenas utilizaba. Suporía tamén unha maior inseguridade por rematar en viais menores.

E non poden ocultar que van afectar outra vez á área de protección do castro de Montealegre, que o segundo viaduto vaise acercar máis á Poza da Moura e que en xeral o impacto vai ser grande con terreos en desnivel que tanto en fase de obra como despóis vai ser visible no só desde Domaio senón desde boa parte da ría.

A única beneficiada sería a empresa que se lle adxudique a súa construcción, feito do que é especialista o PP, como pasou estes últimos anos a nivel estatal coas comisións que recibiu por adxudicación de obra pública dentro do caso Bárcenas.

Por outra parte a resolución da Axencia Galega de Infraestruturas aprobando o trazado defintivo dos once kilómetros da primeira fase até o enlace de Cangas é ilegal por non levar a nova información pública un proxecto que contempla un 30% de modificación de trazado con respeto a como estaba proxectada e non se tivo dentro dunha xerarquía a inexistencia dun Plan Director de Estradas de Galicia e a Avaliación Ambiental Estratéxica do aí proxectado.

E outro tanto do mesmo pasa en relación á aprobación do Plan de Mobilidade Viaria do Morrazo cunha declaración de incidencia supramunicipal recurrible, que ademais non ten contido real pois as actuacións van centralizadas cara ó desdobramento do corredor en autovía, quedando o resto como ficticio, tanto por falla de orzamentos como de ordeamento, con estradas menores que non van poder soportar o incremento de tráfico que implicaría a construcción da autovía.

A PDMM aposta pola educación como solución á inseguridade viaria e o transporte colectivo e a accesibilidade de proximidades como alternativa de futuro ó colapso actual das estradas produto do modelo insustentable de transporte a longas distancias e do automóbil privado.

Diario, 29 de abril de 2013.

Diario, 29 de abril de 2013.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: