Publicado por: MontePituco | 05/12/2012

COLECTIVOS DO MORRAZO CONTRA O PARQUE EÓLICO DE PEDRAS NEGRAS

Membros da Plataforma en Defensa dos Montes do Morrazo, representantes das Comunidades de Montes de Santomé e de Moaña, da Federación de Asociacións de Veciños A Chamusca, de Queremos Galego Marín, do 15M, de Morrazo 2020, da Plataforma en Defensa da Ría de Vigo, de Parapente Morrazo, do colectivo ecoloxista Luita Verde e da Asocación Anduriña, entre outros, participaron na xuntanza celebrada onte na Casa da Mocidade de Moaña para tratar sobre o proxecto de instalación do parque eólico de Pedras Negras, que se atopa en fase de exposición pública.

O arquitecto Juan Fernández Rivas fixo unha detallada exposición dos aspectos máis salientables do plan: que lle afecta á península do Morrazo, en pleno corazón das Rías Baixas, crebando a importancia turística desta zona; o estrago que causarán as obras no monte ao ter que ampliarse o ancho das pistas de 4 a 6 metros para facilitar o tránsito dos camións que remolcan as enormes pezas dos aeroxeneradores; o impacto que terá na fisonomía do monte a causa das explanacións que habería que facer para corrixir o desnivel natural do terreo e poder instalar os muíños nunha superficie totalmente chan; e o despregue de cableado de alta tensión que sería necesario ao longo das pistas.

Ademais dos 14 muíños -ou 15, é un dato que non está claro- o proxecto tamén contempla a dotación dunha subestación eléctrica e dúas estacións meteorolóxicas con mástiles da mesma lonxitude que os muíños, de 115 metros de altura. Tanto como os pilares da ponte de Rande.

Un dos argumentos nos que se fixo máis fincapé é no impacto visual que terá o parque eólico, que non pasará desapercibido dende as Illas Cíes e Ons, nin Cabo Home, a Enseada de San Simón, as localidades de Vilaboa, Moaña, Marín, Cangas, Bueu… “A paisaxe impórtalles pouco, o que queren é vento”, criticou Juan López Rivas.

Tampouco se libran dos efectos negativos os nacementos dos ríos e os mananciais subterráneos, nin o patrimonio arqueolóxico que conforman mámoas e petroglifos catalogados e declarados Bens de Interese Cultural.

O estudo de impacto elaborado pola empresa Instra Ingenieros -que a fin de contas traballa para Enel Green- non pode agochar o elevado grao da afección sobre a poboación próxima (severo), os espazos naturais (moderado), o patrimonio (moderado) e elementos vencellados co Plan de Ordenación do Litoral (severo). E as medidas compensatorias que se propoñen -a creación de rutas de bici, de sendeirismo, arqueolóxicas- ou xa existen ou non contribúen a paliar en absoluto a desfeita.

Entre os comentarios dos colectivos representados, a queixa xeralizada de que o Goberno galego sempre aproveita o verán ou o Nadal para sacar a información pública proxectos deste tipo. Tamén se advertiu que a ameaza do parque eólico non se cingue unicamente ao ámbito de Pedras Negras, senón que no futuro tamén se pode extender a outros espazos da bisbarra: dende os montes próximos a Figueirido, pasando polo propio Pornedo, e acabando mesmo nos montes de Bueu.

De momento, a previsión coa que traballa Enel Green pasa por instalar 9 muíños en Domaio, 4 en Santomé e 1 en Vilaboa, máis a estación na zona de San Adrián. Pero a superficie afectada polas consecuencias negativas vai máis aló do punto no que se erixen os postes e as demais infraestruturas do parque, senón en quilómetros á redonda: todo Domaio, San Adrián, Riomaior, en Marín os lugares de Pastoriza, Allariz e Miñan…

Cómpre reivindicar, pois, que os Montes do Morrazo pertencen á Rede Galega de Espazos Naturais e figuran como espazo natural protexido nas Normas Subsidiarias e Provinciais de Planeamento.

Os representantes das Comunidades de Montes anunciaron a celebración de asembleas: Santomé reunirá os seus 280 comuneiros o próximo 16 de decembro; tamén se reunirán a próxima semana as comunidades integradas na Mancomunidade do Morrazo. Enel Green xa lle enviou cartas aos propietarios dos terreos anunciándolles que o proceso está en marcha: se neste mes de decembro non presentan alegacións, posto que o proxecto está declarado de interese público, iniciaríase o expediente de expropiación. En principio, comunidades como a de Santomé anunciaron a súa intención de “defender o monte” e demandar a “prevalencia” do uso veciñal. En calquera caso, que a empresa xa iniciara conversas ou non cos propietarios é unha cuestión que pode decantar o pronunciamento final destas organizacións.

Polo demais, está previsto organizar asembleas informativas nas parroquias directamente afectadas. Tamén se porá en marcha unha campaña de mobilización social para captar o apoio da cidadanía á hora de presentar alegacións. As consideracións previas que se remitiron hai uns meses á Xunta non se tiveron en conta, polo que a Plataforma Montes do Morrazo e as demais organizacións que rexeitan este proxecto traballarán nos vindeiros días na elaboración dunhas alegacións formais, ben argumentadas e completas. Solicitarase o rexeitamento das Corporacións municipais de Marín, Moaña e Vilaboa ao parque eólico. E ademais organizarase un roteiro reivindicativo, previsto en principio para o 16 de decembro.

Impacto visual do parque eólico de Pedras Negras.

Foto de G.N. (Faro de Vigo).

Colectivos de O Morrazo exigirán a los gobiernos locales que se posicionen contra el parque eólico

Retomarán las rutas de senderismo por la zona y presentarán alegaciones individuales y grupales

E.M. – MOAÑA El proyecto eólico de Pedras Negras continúa despertando el malestar entre los vecinos de Moaña y los colectivos sociales de la comarca. Ayer, decenas de representantes de asociaciones vecinales, culturales y deportivas realizaron un acto en la Casa da Xuventude para establecer la primera toma de contacto después de que el proyecto entrase en la fase de exposición pública.

Después de una explicación técnica, realizada por el arquitecto moañés Juan Rivas, los colectivos realizaron una exposición en común para determinar una serie de medidas de presión que obliguen a la retirada del proyecto de “forma inmediata”. Uno de los planteamientos que se pusieron sobre la mesa es la elaboración de mociones para que los gobiernos de Moaña, Marín y Vilaboa tomen posición con respecto al parque eólico y ratifiquen su decisión en sesión plenaria. Quieren que los vecinos tomen una posición activa en contra del proyecto y en las próximas semanas se organizarán diferentes charlas divulgativas para que comprendan “el verdadero impacto ambiental que se esconde detrás de este plan”.

Por otra parte, se prepararán alegaciones de redacción simple para que los vecinos, a título individual, presenten sus quejas y se cuantifiquen numerosas protestas durante el periodo de exposición al público. Además, está previsto que cada uno de los colectivos realice una alegación de carácter colectivo, que tendrá un carácter mucho más extenso y técnico.

Durante el mes de diciembre se plantearán algunas nuevas rutas por las zonas afectadas. De este modo, grandes y pequeños podrán comprobar el estado actual de la zona y se les explicará in situ qué supondría la instalación de catorce aerogeneradores de 119 metros de altura.

Los colectivos no descartan volver a reunirse en los próximos días para determinar las fechas de sus movilizaciones.


Responses

  1. […] baseada en afirmacións pouco menos que kafkianas, como se ten exposto no artigo titulado “COLECTIVOS DO MORRAZO CONTRA O PARQUE EÓLICO“, ao pretender dar por bo un proxecto de infraestruturas que causa danos […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: