Publicado por: MontePituco | 29/05/2012

COLCHÓNS TIRADOS NO MONTE PORNEDO

“A necedade é a nai de todos os males”.

Cicerón.

A poucos días de que se celebre o Día Mundial do Medio Ambiente, cómpre volver denunciar outra inexplicable agresión ambiental no Monte Pornedo. Nesta ocasión a mostra da estulticia humana é un verquido de colchóns -tres, para ser exactos- na beira da pista que conduce ao Monte Pornedo, a carón do cruce para chegar ao adefesio de área “recreativa”. E habería que remarcar o carácter incomprensible desta acción, pois cabe preguntarse por que alguén se pode tomar a molestia de cargalos nun vehículo, virse meter ao medio do monte e chimpalos -con non pouco esforzo físico, á vista das dimensións de cada un-, habendo no Concello de Marín e en calquera dos municipios veciños, un servizo de recollida de enseres en desuso: cómodo para o usuario, totamente gratuíto, e respectuoso co medio ambiente.

Concello de Marín: 986 88 03 00 (centraliña)

Vaian por diante un par de preguntas retóricas: onde están os directivos da Comunidade de Montes que, con ter instalado un par de rótulos prohibindo os verquidos de lixo, igual consideran -erroneamente- que poden dar por cumprida a súa obriga de velar polo bo estado do monte? Algún deles pisa máis aló das baldosas da Casa de Montes, aínda que só sexa para comprobar que a montaña, as árbores, as pedras e os regatos seguen aí onde se supón que están?

DEFENDE O MONTE PITUCO solicitou a colaboración do Concello de Marín, a través das Concellerías de Medio Rural ou de Medio Ambiente, na retirada destes colchóns, que non deberían permanecer por máis tempo neste lugar: por hixiene, por imaxe, por prevención. Porque noutra época do ano máis calorosa, este material inflamable representaría un evidente risco de incendios. E porque non se pode consentir que esta falcatruada dea pé a posteriores actos de incivismo: primeiro uns colchóns e á semana seguinte uns cachotes de obra, e á posterior uns mobles vellos, e á outra os restos da limpeza dunha finca…

O pasado mes de setembro as brigadas municipais actuaron -aínda que con certa demora pola ineficacia da Comunidade- para recoller un bidón de grandes dimensións repleto de residuos contaminantes procedentes da limpeza de caldeiras, e que fora abandoado no medio da pista, xusto á mesma altura de onde estes días apareceron os colchóns.

VERQUIDO ALTAMENTE CONTAMINANTE, 26 de setembro de 2011.

TRES DÍAS DESPOIS, 28 de setembro de 2011.

OPERACIÓN BIDÓN, CULMINADA CON ÉXITO, 30 de setembro de 2011.

Afortunadamente, os responsables municipais xa teñen coñecemento do verquido e comprometéronse a mobilizar os seus recursos á maior brevidade posible para pór este material á disposición da empresa que se ocupa do seu axeitado tratamento.

STOP VERQUIDOS nos montes. Non máis BASUREIROS.


Responses

  1. […] municipais a retirada destes materiais, xa se informou cumpridamente no artigo titulado “Colchóns tirados no Monte Pornedo“, o 29 de […]

  2. […] azulexo que leven meses tirados no chan; pasando por pequenos mobles, como sillas rotas, ou varios colchóns, que tamén desapareceron despois de pasar unhas semanas metidos entre a broza; ou pequenos […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: