Publicado por: MontePituco | 18/05/2012

XORNADA SOBRE DESENVOLVEMENTO RURAL, EN BORA

A Casa de Cultura do Salgueiral, na parroquia pontevedresa de Bora, vai acoller unha xornada de traballo o vindeiro 2 de xuño de 09:30 a 14:15 horas, co lema “O rural que queremos: experiencias e propostas para a súa custodia e posta en valor. Asociacións, empresas e veciños para a dinamización do rural”.

Tal e como explica a páxina de Anias, a empresa de xestión sociocultural que organiza esta sesión, e que conta co apoio do Concello de Pontevedra, o obxectivo é reunir a representantes de diversas iniciativas privadas, sexan con ou sen ánimo de lucro, para que conten e compartan co público a súa experiencia de traballo, encamiñada a “activar e potenciar os recursos económicos e o tecido social do rural”.

Así, as entidades que participarán son: Hifas da Terra, unha empresa de Bora que se adica á produción ecolóxica de cogomelos; Ancares de meu, unha cooperativa que organiza rutas turísticas pola montaña lucense; a Fundación Fragas do Mandeo, que custodia a biodiversidade da bisbarra coruñesa das Mariñas; e o colectivo ecoloxista galego Amigos da Terra.

Son unhas xornadas de balde e abertas ao público, previa inscrición: por email ao enderezo aia@anias.es anotando o nome completo, DNI e teléfono de contacto, ou por teléfono chamando ao número 986 86 45 98.

PROGRAMA DA XORNADA

9:30h. Recepción e acreditación dos participantes á xornada

9:40h. Presentación e apertura das xornadas: Jose Bravo, presidente da Comunidade de Montes do Salgueiral; Bernardo Quinteiro, presidente da Asociación de Veciños do Salgueiral; Demetrio Gómez, concelleiro de Normalización Lingüística do Concello de Pontevedra.

10h. Presentación de paneis de traballo: as asociacións, as empresas e os veciños. Modera: Jose Bravo

10:05h. Esteban Sinde, director da área de medio ambiente da empresa Hifas da Terra (Bora, Pontevedra).

10:25h. Amigos da TerraCentro de Educación Ambiental As Corcerizas (San Mamede, Ourense).

10:45h. Pausa-café

11:15h. Amelia Amigo, Gertrudis Pardo, Mariló Ramos y Elba González de Ancares de Meu (Cervantes, Lugo).

11:35h. Fernando Bandín, da Fundación Fragas do Mandeo (Oza dos Rios, Betanzos, A Coruña).

11:55h. Conclusión. Rolda de preguntas.

12:15h. Inicio mesas de traballo. Coordina Anias. Creación das mesas de traballo para analizar diversos aspectos traballados durante a xornada co fin de ofrecer un espazo de relación e debate creativo e dinámico.

13:30h. Presentación das conclusións das mesas de traballo e peche da xornada a cargo de Demetrio Gómez.

14:15h Peche da Xornada (Xantar opcional na Taberna A do Bernardino).

Como chegar á Casa de Cultura do Salgueiral:

http://maps.google.es/maps?q=42.426074,-8.573391&num=1&t=h&z=18&vpsrc=6&vps=2&hl=es&abstate=near:actbar-saveto


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: